ގާނޫނާ ހިލާފުވާކަމުގެ ތުހުމަތުގައި އެޗްޕީއޭ މަޖިލީހަށް ހާޒިރު ކުރަނީ
ކޮވިޑް-19 ކޮންޓްރޯލް ކުރުމަށް އާންމު ކޮށްފައިވާ ގައިޑްލައިންތަކުގައި ހުރި ކަންބޮޑުވުންތަކުގެ ސަބަބުން، ހެލްތު ޕްރޮޓެކްޝަން އޭޖެންސީ، ރައްޔިތުންގެ މަޖިލީހަށް ހާޒިރުކުރަން ނިންމައިފިއެވެ.
މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑޭ) ވަނީ އެޗްޕީއޭއިން ކޮންމެ ދުވަހެއްގައި ކޮވިޑް އަޕްޑޭޓް ގެނެސްދިނުމުގައި ބިރުވެރިކަން އުފެދޭގޮތަށް މައުލޫމާތުތައް ދޭކަމަށް ތުހުމަތު ކުރައްވާފައެވެ. އަދި ވަކި ގަޑިއެއްގެ ފަހުން އުޅަނޑުފަހަރު ދުއްވުން މަނާ ކުރުމާއި ވަކި ގަޑިއެއްގެ ފަހުން ކެފޭ ރެސްޓޯރަންޓުތަކުގެ އާންމު ހިދުމަތް ދިނުން މަނާ ކުރުން ފަދަ ބައެއް ފިޔަވަޅުތަކުގައި ކަންބޮޑުވުންތައް ހުރިކަން ފާހަގަ ކުރައްވާފައި ވެއެވެ. އެޗްޕީއޭގެ އުސޫލުތައް ހުންނަ ގޮތުން މާލީގޮތުން ބޮޑެތި ގެއްލުންތަކެއް ލިބެމުން ދާކަން ވެސް ބޮންޑޭ ފާހަގަކުރެއްވިއެވެ.
ހަމައެހެންމެ ބޮންޑޭވަނީ އެޗްޕީއޭގެ އިސް ފަރާތްތަކަށް ރިސްކު އެލަވަންސްގެ ގޮތުގައި ބޮޑު އަދަދެއް ލިބޭކަމަށް އެތައް ބަޔަކު ތުހުމަތު ކުރަމުން ދާކަމަށް ވިދާޅުވެފައެވެ.
