އެމްޕީއެލްގައި ތަމްރީނު ހެދުމުގެ ފުރުސަތު، މަހަކު 5،000 ރުފިޔާ
މޯލްޑިވްސް ޕޯޓްސް ލިމިޓެޑް (އެމްޕީއެލް)ގައި އެޕްރެންޓިސްޝިޕް ޕްރޮގްރާމް ފަށައި އެކި ދާއިރާތަކުން ތަމްރީނުވުމުގެ ފުރުސަތު ހުޅުވާލައިފިއެވެ.
ޓިވެޓް އޮތޯރިޓީ އާއި ޔޫތު މިނިސްޓްރީއާ ގުޅިގެން އެމްޕީއެލްއިން ހިންގާ ޕްރޮގްރާމަކީ "ނޭޝަނަލް އެޕްރެންޓިސްޝިޕް ޕްރޮގްރާމް"ގެ ދަށުން ހިންގޭ ތަމްރީނެކެވެ. މި ތަމްރީނު ޕްރޮގްރާމްގައި 45 މީހަކަށް އެ ކުންފުނީގައި މަސައްކަތް ކުރުމުގެ ފުރުސަތު ލިބިގެންދާނެއެވެ.
އެމްޕީއެލްގައި ތަމްރީނު ހާސިލް ކުރުމަށް ހުޅުވާލާފައިވާ ދާއިރާތައް:
- ފޮޓޯގްރާފަރު، 1 ސްލޮޓް
- ހެވީ ވެހިކަލް އޮޕަރޭޓަރު، 22 ސްލޮޓް
- ވެލްޑަރު، ހަތް ސްލޮޓް
- ކާޕެންޓަރު، ހަތަރު ސްލޮޓް
- މޭސަން، ހަތަރު ސްލޮޓް
- އެޑްމިނިސްޓްރޭޓިވް އޮފިސަރު، ތިން ސްލޮޓް
- އެއާ ކޮންޑިޝަނިން ސާވިސް އެންޑް ރެފްރިޖަރޭޝަން، ހަތަރު ސްލޮޓް
ހަ މަސް ދުވަހުގެ މުއްދަތަށް ކުރިއަށް ގެންދާ މި އެޕްރެޓިސްޝިޕް ޕްރޮގްރާމަށް 18 އަހަރާއި 35 އަހަރާ ދެމެދުގެ ހުރިހާ އެންމެނަށް ވެސް ކުރިމަތިލެވޭނެއެވެ. ތަމްރީނު ޕްރޮގްރާމް ފުރިހަމަ ކުރާ މީހުންނަށް އެ ދާއިރާއަކުން ލެވެލް ތިނެއްގެ ސެޓްފިކެޓެއް ވެސް ލިބިގެންދާނެއެވެ.
މި ޕްރޮގްރާމުގައި ބައިވެރިވާން އެދި ފޯމު ހުށަހެޅުމުގެ އެންމެ ފަހު ތާރީޚަކީ އަންނަ ހަފުތާގެ އަންގާރަ ދުވަހެވެ.
Ads by STO
