ޝަހިންދާއަށް މަރުގެ އިންޒާރު ދިން ކަމަށް ބުނާ ޒުވާނާއަށް ދައުވާ އުފުލައިފި
މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) ގެ އެގްޒެކެޓިވް ޑިރެކްޓަރ ޝަހިންދާ އިސްމާއިލް އަށް އިންޒާރުދިން ކަމަށް ބުނެ ހައްޔަރުކުރި ޒުވާނާގެ މައްޗަށް ދައުވާ އުފުލައިފިއެވެ.
ޝަހިންދާ އަށް އިންޒާރުދިން ދީފައިވަނީ ޏ، ފުވައްމުލައް ހޯދަނޑު އަލީ ރަވާއު މުހައްމަދު އިބްރާހިމްއެވެ. އޭނާގެ މައްޗަށް ކޮށްފައި ވަނީ ބިރުދެއްކުމުގެ ދައުވާއެވެ.
އޭނާގެ މައްޗަށް ބިރުދެއްކުމުގެ ދައުވާ އުފުލާފައި ވަނީ، ޝަހިންދާގެ ވީޑިއޯ އެއް ރީޓްވީޓު ކުރަމުން "... މަރާލަން ފަހެއް ނުޖެހޭނެ" ކަމަށް ބުނުމުންނެވެ. ނަމަވެސް އޭނާގެ ޓްވީޓުގައި އެއްވެސް މީހެއްގެ ނަމެއް ޖަހާފައެއް ނުވެއެވެ.
އެމައްސަލައިގެ ޝަރީޢަތް ފަށަން މިހާރު ވަނީ ތާވަލް ކޮށްފައެވެ. އެ އަޑުއެހުން އޮތީ އަންނަ ހޯމަ ދުވަހުގެ 10:45 އަށް ފުވައްމުލަކު މެޖިސްޓްރޭޓް ކޯޓުގައެވެ.
އެ މައްސަލާގައި ރަވާއު ހައްޔަރުވެސް ކުރިއެވެ. އޭނާ ހައްޔަރުކޮށްފައި ވަނީ އޮކްޓޯބަރު 26 ވަނަ ދުވަހުއެވެ.
Ads by STO
