މެމްބަރު އީސާ ގެވެށި އަނިޔާކުރި މައްސަލައެއް ފުލުހުންނަށް ހުށަހަޅައިފި
ރައްޔިތުން މަޖިލީހުގެ ކެނދިކުޅުދޫ ދާއިރާގެ މެމްބަރު އަހުމަދު އީސާގެ ގެވެށި އަނިޔާގެ މައްސަލައެއް ފުލުހުންނަށް ހުށަހަޅައިފިއެވެ.
މައުލޫމާތު ލިބިފައިވާ ގޮތުގައި އީސަގެ ގެވެށި އަނިޔާގެ މައްސަލަ ފުލުހުންނަށް ހުށަހަޅައިފައި ވަނީ ވަރަށް ފަހުންނެވެ. މީގެ އިތުރުން އެ މައްސަލަ ޖެހުނު ރޭ ފުލުހުން އެ ސަރަހައްދުގައި ހަރަކާތްތެރިވި ކަމަށް ވެސް މައުލޫމާތު ލިބެއެވެ.
މިކަމާ ގުޅިގެން އިތުރު މައުލޫމާތު ހޯދާލުމަށް ފުލުހުންގެ މީޑިއާ އޮފިޝަލަކާ ގުޅާލުމުން ސުވާލު ކުރުމުން އޭނާ ވިދާޅުވީ، ވަކި މީހަކާ ގުޅޭ މައުލޫމާތު ފުލުހުން ހިއްސާ ނުކުރާނެ ކަމަށެވެ.
މިި މައްސަލައާ ގުޅިގެން އީސަ ވިދާޅުވީ، އޭނާގެ އެފަދަ މައްސަލައެއް ފުލުހަށް ހުށަހަޅާފައިވާކަން އެނގިވަޑައިގެންފައި ނުވާ ކަމަށާއި، އެކަމާ ބެހޭ އެއްވެސް މައުލޫމާތެއް ލިބިވަޑައިގެންފައި ނެތުމުން އެކަމާ ގުޅޭ އެއްވެސް ވާހަކައެއް ދައްކަން ބޭނުން ނުވާ ކަމަށެވެ.
މެމްބަރު އީސަ ދިރިއުޅުއްވާ އެޕާޓްމެންޓުގެ އަވައްޓެރިއަކު މައުލޫމާތު ދިން ގޮތުގައި، އީސަގެ ދެމަފިރިން ދިރިއުޅުއްވާ އެޕާޓްމެންޓާ ދިމާލުން އަނިޔާ ކުރާ އަޑު އިވޭ ކަމަށާއި އެއް ފަހަރު އަނިޔާ ކުރިއިރު، ދަރިފުޅު ވެސް ކައިރީގައި ހުރި ކަމަށެވެ. އަދި އީސަގެ އަނބިކަނބަލުން ޑޮކްޓަރަށް ދައްކަވަން ދިޔަ ކަމަށް ވެސް މައުލޫމާތު ލިބެއެވެ. އީސަ ކައިވެނިބައްލަވައިގެން އުޅުއްވަނީ ނައިބު ރައީސް ފައިސަލް ނަސީމްގެ ކޮއްކޯފުޅު އަސްރާ ނަސީމް އާއެވެ.
ތިވާނީ ހަމަ ސައިބި ބޮތްކެއްފަދަ