ޓެކުހުން ލިބޭ އާމްދަނީ އުއްމީދުު ކުރިވަރަށް ވުރެ އިތުރު: އަމީރު
މިއަހަރު މިހާތަނަށް ޓެކުހުން ލިބެމުން އަންނަ އާމްދަނީ އުއްމީދު ކުރި ވަރަށް ވުރެ އިތުރުކަމަށް މިނިސްޓަރ އޮފް ފިނޭންސް އިބްރާހިމް އަމީރު ވިދާޅުވެއްޖެއެވެ.
އެޗްއީއޯސީން މިހާރު ކުރިއަށްދާ ނޫސްވެރިންގެ ބައްދަލުވުމުގައި ވާހަކަ ދައްކަވަމުން މިނިސްޓަރު އަމީރު ވިދާޅުވީ، މިއަހަރު ޓެކުހުން ލިބޭ އާމްދަނީ އުއްމީދު ކުރި ވަރަށް ވުރެ އިތުރު ކަމަށާއި މީގެ މައިގަނޑު ސަބަބަކީ ފަތުރުވެރި ކަމުގެ ސިނާއަތް ރަނގަޅު ވެގެން ދިއުން ކަމުގައެވެ.
އެގޮތުން 2019 ވަނަ އަހަރު އެވްރެޖުކޮށް ފަތުރުވެރިން މަޑުކުރީ ހަ ދުވަހު ކަމަށާއި ނަމަވެސް މިއަހަރު ފަތުރުވެރިން ރާއްޖޭގައި މަޑުކުރި ދުވަސްތައް އެވަރެޖުކޮށް އުޅެނީ 8.9 ދުވަހުގެ ސްޓޭގައި ކަމަށް ތަފާސް ހިސާބުތަކުން ވެސް ވަނީ ދައްކައިފައެވެ،
މިނިސްޓަރު އިތުރަށް ވިދާޅުވީ ކުރިން އަންދާޒާ ކުރީ މި އަހަރު ހަ ލައްކަ ފަތުރުވެރީން އަންނާނެ ކަމަށެވެ. ނަމަވެސް މި އަދަދު އެއް މިލިއަނަށް އިތުރުކޮށް މިހާރު އުންމީދަކީ 1.5 މިލިއަން ޓޫރިސްޓުން އައުން ކަމަށް ވެސް އަމީރު ފާހަގަ ކުރެއްވިއެވެ.
