ޓްވިޓާގައި އެންމެ ގިނަ މީހުން ފޮލޯކުރަނީ ކޮންބަޔަަކަށް؟
ޓްވިޓާއަކީ ދިވެހިންގެ މެދުގައިވެސް ވަރަށް މަގުބޫލު އެޕްލިކޭޝަނެކެވެ. ހާއްސަކޮށް ހޫނު ހަބަރެއް ހޯދަން ބޭނުމިއްޔާ ދިވެހިން އެންމެ ފުރަތަމަ ބަލަނީ ޓްވިޓާއެވެ.މި ރިޕޯޓްގައި މި ބަލައިލަނީ ޓްވިޓާގައި އެންމެ ގިނަ މީހުން ފޮލޯކުރާ 20 އެކައުންޓަށެވެ.
20.ސީއެންއެން
ގިނަ ދިވެހިން ވެސް ފޮލޯކުރާ ސީއެންއެން މިއަންނަނީ 53.7 މިލިއަން ފޮލޯވަރުންނާއެކު ލިސްޓްގެ 20 ވަނައަށެވެ. ޔޫއެސްގެ ނިއުސް ޗެނަލް ސީއެންއެންގެ ޓްވިޓާގައި ޓްވީޓް ކޮށްފައި ހުންނަނީ އެމީހުން ހަބަރުތަކެވެ.
19.ބިލް ގޭޓްސް
ދުވަސްވީ ދިގު ކައިވެނި ނިމުމަކާ ހަމައަށް ގެނައުމާ އެކު ގިނަ އަންހެން ކުދިންގެ މެސެޖްތައް ލިބެމުން ދިޔަކަމަށް އަޑު ފެތުރުނު ދުނިޔޭގެ އެންމެ މުއްސަނދި އެއް ބިލިޔަނަރު ކަމުގައިވާ ބިލް ގޭޓްސްއަށް މިލިބެނީ 54.6 މިލިއަން ފޮލޯވަރުންނާއެކު ލިސްޓްގެ 19 ވަނައެވެ.
18.ޑެމީ ލަވަޓޯ
ޕޮޕް ސްޓާރ ޑެމީ ލަވަޓޯގެ ޓީމް ޑެމީ އެކައުންޓު ފޮލޯ ކުރާ 55.3 މިލިއަން މީހުން އެބަތިއްބެވެ. ޑެމީގެ މިއުޒިކް ޕްރޮމޯޓް ކުރާ މި އެކައުންޓް ހިންގާނީ ޑެމީގެ ޓީމުންކަމަށް ލަފާކުރެވެއެވެ.
17.ބްރިޓްނީ ސްޕިއާސް
ހޮލީވުޑްގެ ޕޮޕް ސްޓާ ބްރިޓްނީ ސްޕިއާރސްގެ ޓްވިޓާ އެކައުންޓު ފޮލޯކުރާ 56.1 މިލިއަން މީހުން އުޅެއެވެ. މީގެ ތެރޭގައި ހޮލީވުޑްގެ މަޝްހޫރު ސެލެބްރިޓީން ކަމުގައިވާ ޑްރެކް އަދި ޖެނެޓް ޖެކްޝަން ވެސް ހިމެނެއެވެ.
16.ޓްވިޓާ
ޓްވިޓާގެ ރަސްމީ ޓްވިޓާ އެކައުންޓު ފޮލޯ ކުރާ 59.6 މިލިއަން ފޮލޯވަރ އެބަތިއްބެވެ. ޓްވިޓާގެ އަޕްޑޭޓްތަކާ ބެހޭ މައުލޫމާތު ފަދަ މައުލޫމާތު ޓްވީޓް ކުރަނީ މި އެކައުންޓުންނެވެ.
15.ސީއެންއެން ބްރޭކިން ނިއުސް
ޓްވިޓާގައި އެންމެ ގިނަބަޔަކު ފޮލޯކުރާ ނިއުސް އެޖެންސީއަކަށް ސީއެންއެންވާނެއެވެ. ލިސްޓްގެ 15 ވަނައަށް މިއަންނަނީ 61.3 މިލިއަން ފޮލޯވަރުންނާއެކު ސީއެންއެން ބްރޭކިން ނިއުސްއެވެ.
14.ޖަސްޓިން ޓިމްބަރލޭކް
ކާމިޔާބު ސޯލޯ އާރޓިސްޓް ޖަސްޓިން ފޮލޯކުރާ 64.1 މިލިއަން ފޮލޯވަރުން ޓްވިޓާގައި އެބަ އުޅެއެވެ. ޖަސްޓިންގެ ޕާރސަނަލް ކަންކަމާއި އިވެންޓްތަކާ ބެހޭ މައުލޫމާތު ފޭނުންނާ ހިއްސާ ކުރަނީ ޓްވިޓާއިންނެވެ.
13.ސެލީނާ ގޮމޭޒް
ޓްވިޓާގައި 9ވަނައަށް އެންމެ ނުފޫޒު ގަދަ އަންހެނާގެ މަގާމުގައި ހުރި ސެލީނާގެ ފޮލޯވަރުންގެ އަދަދު 65.1 މިލިއަނަށް އަރައެވެ. ކެޓީ ޕެރީ، ޖަސްޓިން ޓިންބަރލޭކް، އެމާ ވަޓްސަން ފަދަ ސެލެބްރިޓީން ވެސް ސެލީނާ ފޮލޯކުރާކަން ފާހަގަކުރެވެއެވެ.
12.ނަރެންދުރަ މޯދީ
ލިސްޓްގެ 12 ވަނައިގައި 67.5 މިލިއަން ފޮލޯވަރުންނާ އެކު ވަނީ އިންޑިޔާގެ ބޮޑުވަޒީރު ނަރެންދުރަ މޯދީއެވެ. މޯދީއަކީ ޓްވިޓާގައި ވަރަށް ހަރަކާތްތެރި ބޭފުޅެއްގެގޮތުގައި ފާހަގަކޮށްލެވޭ ފަރާތެކެވެ.
11.ކިމް ކާޑޭޝިއަން ވެސްޓް
ކިމް ކާޑޭޝިއަންއޭ ބުނުމުން ނޭނގޭ މީހެއް ހަމަ މަދުވާނެއެވެ. ޓްވިޓާގައި 4 ވަނައަށް އެންމެ ނުފޫޒުގަދަ އަންހެނާގެ މަގާމުވެސް ހޯދައިފައިވާ ކިމްގެ ޓްވިޓާ ފޮލޯވަރުންގެ އަދަދު 69.8 މިލިއަނަށް އަރައެވެ.
10.ޔޫޓިއުބް
އޮންލައިން ޕްލެޓްފޯމް ޔޫޓިއުބަށް މިލިބެނީ 73.2 މިލިއަން ފޮލޯވަރުންނާއެކު ލިސްޓްގެ 10 ވަނައެވެ. ދިވެހިންގެ މެދުގައި ވެސް ޔޫޓިއުބު ޗެނަލްތައް ހެދުން މިހާރު އިތުރުވެފައިވާތީ އެޕްލިކޭޝަން އަޕްޑޭޓްތަކާއި މައުލޫމާތުތައް ހޯދުމަށް ޔޫޓިއުބުގެ ޓްވިޓާ އެކައުންޓް ފޮލޯ ކުރާ ދިވެހީން ވެސް ގިނައެވެ.
9.އެލެން ޑިޖެނެރަސް
މަޝްހޫރު އެލެން ޝޯގެ ހޯސްޓް އެލެން ޑިޖެނެރަސްއަކީ އޮސްކާ އެވޯޑާ ގުޅުންހުރި އެންމެފަހުގެ ޓްވީޓްތައް ކުރުމުގައި ފޭނުންގެ ސަޕޯޓް ހޯދާފައިވާ ފަރާތެކެވެ. ލިސްޓްގެ 9ވަނައަށް އެލެން އައިސްފައި މިވަނީ 79 މިލިއަން ފޮލޯވަރުންނާއެކުގައެވެ.
8.އެރިއާނާ ގްރޭންޑް
މަޝްހޫރު ލަވަކިޔުންތެރިޔާ އެރިއާނާއާ ނުލައި މިލިސްޓް ފުރިހަމަނުވާނެކަން ޔަގީނެވެ. އެރިޔާނާގެ "ތެންކިޔު، ނެކްސްޓް" ލަވައާ އެކު ޓްވިޓާގައި އެރިއާނާ ރަސްކަން ކުރިއެވެ. އެރިއާނާއަށް ފޮލޯކުރާ 83.2 މިލިއަން މީހުން ޓްވިޓާގައި އުޅެއެވެ.
7.ލޭޑީ ގާގާ
ޕޮޕް އާރޓިސްޓް ލޭޑީ ގާގާއަކީ ޓްވިޓާގައި 4ވަނައަށް އެންމެ ނުފޫޒުގަދަ އަންހެނާއެވެ. 84.2 މިލިއަން ފޮލޯވަރުންނާ އެކު ލޭޑީ ގާގާ މިހޮވެނީ ލިސްޓްގެ 7 ވަނައަށެެވެ. އޭނާގެ ފޮލޯވަރުންގެ ތެރޭގައި މައިލީ ސައިރަސް އަދި އޮޕްރާ ވިންފްރޭ ފަދަ ސެލެބްރިޓީން ހިމެނެއެވެ
6.ޓައިލާ ސްވިފްޓް
ޓައިލާއަކީ ޓްވިޓާގައި އެހާ އެކްޓިވް މީހެއް ނޫނެވެ. އެހެން ނަމަވެސް އޭނާއަށް ފޮލޯކުރާ 88.9 މިލިއަން މީހުން ޓްވިޓާގައި އުޅެއެވެ. 2018 ވަނަ އަހަރުވެސް އޭނާކޮށްފައި ވަނީ އެންމެ 20 ޓްވީޓެވެ. އަދި 2019ވަަނަ އަހަރު ކޮށްފައި ވަނީ އެންމެ ޓްވީޓެކެވެ.
5. ކްރިސްޓިއާނޯ ރޮނާލްޑޯ
ފުޓްބޯޅަ ކުޅުންތެރިޔާ ރޮނާލްޑޯއަކީ ޓްވިޓާގެ 4 ވަނައަށް އެންމެ ނުފޫޒުގަދަ ފިރިހެނާކަމަށް ތަފާސް ހިސާބުތަކުން ދައްކައެވެ. ޓްވިޓާގައި އޭނާ ފޮލޯކުރާ 92 މިލިއަން ފޮލޯވަރުން އުޅެއެވެ، އޭގެ ތެރޭގައި ޓްވިޓާގެ ސީއީއޯ ޖެކް ޑޯރސީ އަދި އުސެއިން ބޯލްޓް ހިމެނެއެވެ.
4.ރިހާނާ
102.7 މިލިއަން ފޮލޯވަރުންނާ އެކު ލިސްޓުގެ 4 ވަނަ މަގާމު ލިބިފައިވަނީ ލަވަކިޔުންތެރިޔާ ރިހާނާއަށެވެ. ޕްރޮމޯޝަނަލް އިވެންޓްތަކާ އޭނާގެ ވަގުތުތައް ހޭދަކުރާގޮތް ޓްވީޓް އޭނާ ޓްވީޓް ކުރެއެވެ.
3.ކެޓީ ޕޭރީ
ކެޓީ ޕޭރީ ފަދަ ލަވަކިޔުންތެރިއެއް ނެތި މި ލިސްޓް ފުރިހަމައެއް ނުވާނެއެވެ. ލިސްޓްގެ 3 ވަނަ ހޯދި ލަވަކިޔުންތެރިޔާ ކެޓީ ޕޭރީ ފޮލޯކުރާ 110 މިލިއަން ފޮލޯވަރުން އުޅެއެވެ. އޭނާއަކީ ޓްވިޓާގައި ދެވަނައަށް އެންމެ ނުފޫޒުގަދަ އަންހެނާގެ މަގާމުވެސް ހޯދައިފައިވާ މީހެކެވެ.
2. ޖަސްޓިން ބީބާ
އުމުރުން އެންމެ 13 އަހަރުގައި ކާމިޔާބު އާރޓިސްޓަކަށްވި ޖަސްޓިންއަށް ފޮލޯކުރާ 114.4 މިލިއަން މީހުން އުޅެއެވެ.
1.ބަރަކް އޮބާމާ
ޓްވިޓާގައި އެންމެ ގިނަ މީހުން ފޮލޯ ކުރާ މީހަކީ އެމެރިކާގެ ކުރީގެ ރައީސް ބަރަކް އޮބާމާއެވެ. އޮބާމާއަށް ފޮލޯކުރާ 130.3 މިލިއަން މީހުން އުޅެއެވެ.
