މެމްބަރު އީސަގެ މައްޗަށް ދައުވާ ކުރުމަށް ޕީޖީ އޮފީހަށް!
ރައްޔިތުންގެ މަޖިލީހުގެ ކެނދިކުޅުދޫ ދާއިރާގެ މެންބަރު އަހުމަދު އީސާގެ މައްޗަށް ތުހުމަތު ކުރެވޭ ގެވެށި އަނިޔާގެ މައްސަލައިގެ ތަހުގީގު ނިންމައި ޕްރޮސެކިއުޓަރ ޖެނެރަލް އޮފީހަށް ފޮނުވައިފައިވާނެ ކަމަށް ފުލުހުން ވިދާޅުވެއްޖެއެވެ.
ފުލުހުންގެ މީޑިއާ އޮފިޝަލް މައުލޫމާތު ދެއްވަމުން ވިދާޅުވީ، އީސަގެ މައްސަލަ ތަހުގީގަށް ފަހު ޕީޖީ އޮފީހަށް ފޮނުވިފައިވާ ކަމަށާއި، އިތުރު ތަފްސީލު ލިބޭ ވަރަކުން ހިއްސާ ކުރަމުން ދާނެ ކަމަށެވެ.
އީސަގެ ކުރީގެ އަނބިކަނބަލުން އަސްރާއަށް ގެވެށި އަނިޔާކުރި ކަމަށާއި އެ ދެމީހުންގެ ދަރިފުޅަަށް ވެސް އަނިޔާކުރި ކަމަށް ބުނެ އީސަގެ މައްޗަށް ވަނީ ސީރިއަސް ތުހުމަތުތަކެއް އުފުލިފައެވެ.
މައުލޫމާތު ލިބިފައިވާ ގޮތުގައި އީސަ ދިރިއުޅޭ އެޕާޓްމެންޓުގެ އަވައްޓެރިއަކު ވަނީ އީސަ ދިރިއުޅޭ އެޕާޓްމެންޓު ތެރެއިން އަނިޔާ ކުރާ އަޑު އިވޭ ކަމަށް ބުނެފައެވެ. އަދި ފުލުހުން ހަރަކާތްތެރިވި ދުވަހު އޭނާ އަނބިމީހާއަށް އަނިޔާ ކުރީ ދަރިފުޅު ކުރިމަތީގައި ކަމަށް ވެސް މައުލޫމާތު ލިބެއެވެ.
ތި މައްސަލައިގެ އުންސުރެއް ހަމައެއް ނުވާނެ.
ޙީވެ ދޯ.ބަލަމާ ވާގޮތެއް.