ވީޑިއޯ ގޭމް "ގާރޑިއަން އޮފް ދަ ގެލެކްސީ" އޮކްޓޯބަރުގައި
ސުޕަރ ހީރޯ ފިލްމު "ގާރޑިއަން އޮފް ދަ ގެލެކްސީ"ގެ ވީޑިއޯ ގޭމް މި އަހަރުގެ އޮކްޓޫބަރު 26 ގައި ރިލީޒްކުރަން ނިންމައިފިއެވެ.
މާވެލްގެ "ގާރޑިއަން އޮފް ދަ ގެލެކްސީ" ގޭމް ޑިވޮލޮޕްކޮށްފައިވާ ސްކުއަރ އެނިކްސްއިން ވަނީ އެ ގޭމުގެ 2 ޓްރެއިލަރއެއް ރިލީޒްކޮށްފައެވެ. އެއީ އޮފިޝަލް ރިވީލް ޓްރެއިލަރއާއި އެކްސްޕެންޑެޑް ގޭމް ފްލޭ ޓްރެއިލަރއެވެ.
ރިވީލް ޓެރެއިލަރއިން ފެނިގެން ދިޔައީ މުޅި ގޭމްގެ ސްޓޯރީއެވެ. އޭގައި ހިމެނޭ ކުޅުންތެރިންނާއި، ޑައިލޮގްތަކުގެ އިތުރުން ގޭމުގައި ހިމެނިގެންވާ އެކި ކަހަލަ އަޑުތައް ވެސް ޓްރެއިލާއިން ފެނިގެންދެއެވެ. ގޭމްޕްލޭގެ ޓްރެއިލާއިން ގޭމް ކުޅެން ޖެހޭ ގޮތާ އަދި ގޭމުގެ ވާނުވާ ބޮޑަށް ފެނިގެން ދިޔައެވެ.
މީޑިއާ ރިޕޯޓުތައް ބުނާގޮތުން ގޭމްގައި ސްޓާރލޯރޑްގެ ބައިން ފެންނާނީ ސްކޮޓް ޕޯރޓައެވެ. އަދި ރެކޫންގެ ގޮތުގައި އެބްރިއަން ގެމޯރާއާއި ނޯރލަން ނޯރތު ފެނިގެންދާއިރު ޑްރެކްސް ދަ ޑިސްޓްރޯޔަރގެ ރޯލުން ބްރޭންޑަން ޕޯލް އެލްސް އަދި ގްރޫޓްގެ ރޯލުން އެޑަމް ހެރިންގްޓަން ފެނިގެންދާނެއެވެ.
އޮކްޓޫބަރު 26ގައި މި ގޭމް ރިލީޒްކުރަން ނިންމާފައިވާއިރު ޕީސީ، ޕީއެސް4، ޕީއެސް5، އެކްސްބޮކްސް ވަން އަދި އެކްސްބޮކްސް ސީރީޒް އެކްސްއިން މި ގޭމް ކުޅެވޭނެއެވެ
