މިފަހަރުގެ އައިޑޮލް އަކީ ޕަވަންދީޕް
އިންޑިއަން އައިޑަލް ސީޒަން 12 ޕަވަންދީޕް ރާޖަން ކާމިޔާބު ކޮށްފިއެވެ.
ރޭ ބޭއްވި ގްރާންޑު ފިނާލޭގައި ޝޯގެ ދެވަނަ ހޯދީ އަރުނިތާއާއި ސައިލީއެވެ. ތިންވަނައަށް ދާނިޝް ހޮވުނުއިރު ހަތަރުވަނައަށް ދިޔައީ ނިހާލްއެވެ.
އެއްވަނައަށް ދިޔަ ޕަވަންދީޕަށް އިނާމެއްގެ ގޮތުން އިންޑިއަން އައިޑޮލްގެ ޓްރޮފީއާއި، 5 ލައްކަ އިންޑިއަން ރުޕީސްއާއި ކާރެއް ވަނީ ދީފައެވެ. ދެވަނަ ހޯދި އަރުނިތާއާއި ސައިލީއަށް އިނާމެއްގެ ގޮތުގައި 5 ލައްކަ އިންޑިއަން ރުޕީސް ދީފައި ވެއެވެ. ތިންވަނަ އަދި ހަތަރުވަނައަށް ދިޔަ ފަންނާނުންނަށް އިނާމެއްގެ ގޮތުގައި 3 ލައްކަ އިންޑިއަން ރުޕީސް ލިބުނެވެ.
މި ޝޯ ނިމުނު އިރު ޖަޖުންގެ ގޮތިގައި ތިބީ ސޯނޫ ކައްކަރު، އަނޫ މަލިކު އަދި ހިމޭޝް ރޭޝަމިޔާއެވެ. ޝޯ ފެށުނު އިރު ޖަޖުންގެ ގޮތުގައި ތިބީ ނެހާ ކައްކަރު، ހިމޭޝް ރޭޝަމިޔާ އަދި ވިޝާލް ދަދްލާނީއެވެ.
އިންޑިއަން އައިޑޮލްގެ 12 ވަނަ ސީޒަންގެ ޗެމްޕިއަންކަން ހޯދި ޕަވަންދީޕް ރަންޖަންއަކީ ޝޯ ފެށުނީއްސުރެ އާންމުންގެ ބޮޑު ތަރުހީބެއް ލިބެމުން ދިޔަ ފަންނާނެކެވެ.
