މޭޔަރު މުޢިއްޒު ބޭނުން ވަނީ ގުޅީފަޅުގައި މަދުވެގެން 50،000 މީހުން އާބާދުކުރަން!
ގުޅީފަޅުގައި މަދުވެގެން 50،000 މީހުން އާބާދުކުރަން ބޭނުންފުޅުވާ ކަމަށް ވިދާޅުވެ މާލޭގެ މޭޔަރު ޑރ. މުޙައްމަދު މުޢިއްޒު ގުޅިފަޅަށް ހައްދަވައިފައިވާ ޕްލޭން އާންމުކޮށް ދައްކައިލައިފިއެވެ.
މާލެ ސިޓީ ކައުންސިލްގެ ފަރާތުން މާލެ ސިޓީގެ ބޯހިޔާވަހިކަމުގެ ޕްލޭނަށް ފާޑުކިޔުމަށް ބޭއްވި ބައްދަލުވުމުގައި ވާހަކަދައްކަވަމުން ޑރ. މުޢިއްޒު ވަނީ، ސަރުކާރުން ބޭނުންވާ ގޮތަށް ގުޅިފަޅުގައި ޕޯޓެއް ހެދުމަށް ޖާގަ ނެގުމަށް ފަހު އެތަނުގައި އާންމުންނަށް ދިރިއުޅެވޭނެ އާބާދީއެއް ގާއިމްކުރުމަށް ހަދާފައިވާ ކުރެހުން ވެސް ދައްކައިލާފައެވެ.
އެ ކުރެހުމުގައިވާ ގޮތުގައި ސަރުކާރުން ބޭނުންވާ ޕޯޓު އަޅަން ގުޅިފަޅުން 70 ހެކްޓަރުގެ ބިމެއް ދޫކޮށްފައިވެއެވެ. އަދި ބާކީ ޖާގައިގައި ބޯހިޔާވަހިކަމުގެ މަޝްރޫޢުތައް ހިންގަން ވިސްނައިފައިވެއެވެ. ޑރ. މުޢިއްޒު ވިދާޅުވީ ބާކީ ޖާގައިގައި 1500 އަކަފޫޓުގެ 4،000 ގޯތި ދޫކޮށް، އެ ތަންތަނުގައި ދިރިއުޅޭ މީހުންނާ ބޭނުންވާނެ ސްކޫލާއި ހޮސްޕިޓަލާއި، އެހެނިހެން ވެސް ހުރިހާ ފެސިލިޓީއެއް ގާއިމްކުރަން ޕްލޭން ކޮށްފައިވާ ކަމަށެވެ.
"އަޅުގަނޑު ގަބޫލުކުރާ ގޮތުގައި ޕޯޓެއް އެޅުމަކީ ކޮންމެހެން ކުރަން ޖެހޭ ކަމެއް ވިއްޔާ. އިތުރަށް ބަދަލު ނުކުރެވޭ ޕްލޭނެއް ވިއްޔާ މިގޮތަށް ވެސް މިކަން ކުރެވިދާނެ" ޑރ. މުޢިއްޒު ވިދާޅުވިއެވެ.
މީގެ އިތުރަށް 1200 އަކަފޫޓުގެ ތިން ކޮޓަރީގެ 6200 އެޕާޓްމަންޓު ހިމެނޭ ޓަވަރުތައް ވެސް އެ ޕްލޭނުގައި ހިމަނާފައި ވާކަމަށް ވެސް ޑރ.މުޢިއްޒު ވިދާޅުވިއެވެ.
މިކަމުން އެކަނިވެސް މިކަލޭގެ ސައިޒުއޮޅިފަހުރިކަން ސާފުވޭނޫންތޯ؟ އެކަމު ރައީސް ސޯލިހު ބެދިފަމިހެރެމަޅިން ބަހެއްބުނެވޭކައްނޯންނާނެ!
ގުޅީފަޅުގައެޅި ފުލެޓުތަކުގެވެރިށްނަހަވާލުކުރީމާނޫތޯ …
މަކިކުފާނުގެމިނިސްޓަރުކަމުގާއެތަންތާގެތަޅުބަދަލުކޮށް..ހެދީ މީހުންދިރިއުޅެންކަމަކުނުދެޔޭކިޔާފަ……
މިހާާރުކީކޭތިކިޔަނީ އާރާބާރުގަކަމެށްނުކޮށްދެވުނުމީހަކުކޮންއަގައެށްތޯތިތަޅަނީ ….ލަދުވެސްނުގަށްނަނީ … ވެރިކަންބޭނުންވަނީ …ރަށްޔިތުށްނަށްގޯނާކުރަން..
އާރާބާރުލިބޭއިރަށްހަދާންނެތޭނެ ..