ގެއްލުމުގެ ބަދަލު ހޯދަން ވެސް އެދޭނަން: ސްޓްރާޑާ
މާލޭ ލޮނު ޒިޔާރަތްކޮޅުގައި ހިންގާ ނިއުޕޯޓު ވިއުގެ މައި ކުންފުނި ކަމަށްވާ ސްޓްރާޑާ ޕްރައިވެޓް ލިމިޓެޑަށް ލިބުނު ގެއްލުމުގެ ބަދަލު ހޯދަން ވެސް އެދޭނެ ކަމަށް ބުނެ، އެ ކުންފުނީގެ ފަރާތުން މާލެސިޓީ ކައުންސިލާ ދެކޮޅަށް ދައުވާ ކުރަން ނިންމައިފިއެވެ.
ސްޓްރާޑާއިން މާލެ ސިޓީ ކައުންސިލާ ދެކޮޅަށް ދައުވާ ކުރަން ނިންމައިފައި ވަނީ އެ ކުންފުނިން ލޮނު ޒިޔާރަތްކޮޅުގައި ތަރައްޤީކޮށްފައިވާ ސިޑިބަރިއާ އިންވެގެން ހަދައިފައިވާ ގުދަނެއްގެ ތެރޭގައި ހުރި މުދާތައް މާލެ ސިޓީ ކައުންސިލްގެ ބެލުމުގެ ދަށަށް ޤަވާއިދާ ހިލާފަށް ގެންގޮސްފައިވާ ކަމަށް ބުނާ މައްސަލައެއްގައެވެ.
ސްޓްރާޑާއިން މި މައްސަލައިގައި އެދިފައި ވަނީ އެ ގުދަނުގައި ހުރި މުދާ ކައުންސިލުން ނަގައިފައި ވަނީ ކައުންސިލަށް ލިބިފައިވާ ބާރުގެ ބޭރުން ކަމުގައި ކަނޑައަޅައި، އަދި އެ ގުދަނުގައި ހުރި މުދަލަށް ސިޓީ ކައުންސިލުން ޒިންމާވާންޖެހޭނެ ކަމަށް ކަނޑައަޅައި ދިނުމަށެވެ. އަދި އެ މުދާ އެގޮތަށް ހިފެހެއްޓުމުގެ ސަބަބުން، ސްޓްރާޑާ ކުންފުންޏަށް ބަދަލުގެ ގޮތުގައި 741،820.22 އެމެރިކާ ޑޮލަރު މާލެ ސިޓީ ކައުންސިލުން ނަގައި ދިނުމަށް ވެސް އެކުންފުނިން އެދިފައިވެއެވެ.
މާލެ ސިޓީ ކައުންސިލްގެ ބެލުމުގެ ދަށަށް ތި މުދާތައް ޤަވާއިދާ ހިލާފަށް ގެންގޮސްފައިވަނީ ކޮންތާރީޙެއްގަ؟
ބޮޑު ވަގު އުސައިދު ކަލެއަށް ސިޓީ ކައުންސިލުން ބަދަލު ދޭކަށް ނުޖެހޭ.މާލޭގެ މާފަންނުގަ ހުރި ގުދަނަކަށް ކުލި ނުދައްކާ ކަލޭ ނިކުމެގެން އައިއިރު ލަދު ކޮބާ؟ ކުލީގެ މައްސަލަ އެއޮތީ ހައިކޯޓްގަ.މިލިއަނެއްހާ ރުފިޔާ ޕެންޑިންގަ އެބައޮތް.
ބޮޑު ވަގު ޒާޓު.