ވައްކަމުގެ މައްސަލައެއްގެ ތަހުގީގަށް ހާޒިރުވާން މީހެއްގެ ވަނަވަރު އާންމުކޮށްފި
ހުޅުމާލެ ޕޮލިހަށް ހުށަހެޅި ، ތަހުގީގު ކުރަމުންދާ ވައްކަމުގެ މައްސަލައެއްގެ ތަހުގީގަށް މީހަކު ހާޒިރުކުރުމަށް ފުލުހުން އެ މީހާގެ ވަނަވަރު އާންމުކޮށްފިއެވެ.
ފުލުހުން ވިދާޅުވީ އޭނާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓް ރައްދުކުރެވިފައި ނުވާތީއާއި އާއިލާއަށް ވެސް އުޅޭ ވަކިތަނެއް އެނގިފައި ނުވާތީ، ޖިނާއީ މައްސަލަތައް ތަޙުޤީޤުކުރުމުގައި ފުލުހުން ޢަމަލުކުރާނެ އިޖުރާއަތުގެ ޤަވާއިދުގެ 27 ވަނަ މާއްދާގައި ވާގޮތުގެ މަތިން ތަހުގީގަށް ހާޒިރުވުމަށް އަންގައި އިއުލާންކުރާ ކަމަށެވެ.
ތަހުގީގަށް ހާޒިރުވުމަށް އަންގައިފައިވަނީ ގދ. މަޑަވެލި/ ރީތިގެ، ނަޝްއަތު ނިޒާރު (23އ) އެވެ. އޭނާ ހާޒިރު ކުރެވެނީ ވައްކަމުގެ މައްސަލައެއްގެ ތަހުގީގުގައި ސުވާލު ކުރުމަށާއި މައުލޫމާތު ސާފުކުރުމަށް ކަމަށް ފުލުހުން ވިދާޅުވިއެވެ. 2021 ސެޕްޓެމްބަރ 25 ވަނަ ދުވަހުގެ 10:00ގެ ކުރީން އޭނާ ހާޒިރުވާން ޖެހެނީ ހުޅުމާލޭ ޕޮލިހަށެވެ.
