މާލެ ސިޓީ ކައުންސިލްގެ އައު ލޯގޯ: ރާއްޖޭގެ ވެރިކަމުގެ ނިޝާން، މާލޭގެ ކުލަތަކާ އެކު
މާލެ ސިޓީ ކައުންސިލްގެ 4 ވަނަ ދައުރަށް 6 މަސް ފުރުން ފާހަގަކުރުމުގެ ގޮތުން ބޭއްވި ހާއްސަ ރަސްމިއްޔާތެއްގައި މިވަނީ އެ ކައުންސިލުން ބޭނުންކުރާނެ މުޅިން އައު ލޯގޯއެއް ތައާރަފުކޮށްފައެވެ. ގިނަ ބައެއްގެ ސަމާލުކަން ހުއްޓުނު މި ލޯގޯއަށް އާންމުންގެ ބޮޑެތި ފާޑުކިޔުންތަކެއް ވެސް އަމާޒުވިއެވެ. މީގެ ކުރިން މާލޭގެ ހުކުރު މިސްކިތު މުންނާރު، ލޯގޯއެއްގެ ގޮތުގައި ބޭނުންކުރަމުން އައި ސިޓީ ކައުންސިލްގެ އައު ލޯގޯ މާލެ ސިޓީއާ އެއްވެސް ގުޅުމެއް ނެތްކަމަށް ގިނަ ބަޔަކު ބުނަމުން ދިޔައެވެ.
ރީބްރޭންޑިންއާ އެކު ތައާރަފުކުރި އައު ލޯގޯއިން ފެންނަނީ ގޮޅިތަކެކެވެ. އެ ގޮޅިތަކުން އެކި ކުލަތައް ވެސް ފެނެއެވެ. ގޮޅިތަކާއި ކުލަތަކަށް ވުރެ ފުން މާނައެއް މި ލޯގޯގައި ވާކަން ގިނަ މީހުންނަކަށް ނޭނގެއެވެ. މި ލޯގޯއިން ދައްކުވައިދެނީ ފުރަމާލޭގައި އޮތް ޒަމާންވީ ވެރިކަމުގެ ނިޝާނެވެ. އަދި މި ލޯގޯއިން މާލޭގެ ހަ އަވަށް ރަމްޒުކޮށްދެއެވެ. އެގޮތުން ލޯގޯގެ މެދުން މާލޭގެ ހަތަރު އަވަށް ކަމަށްވާ ހެންވޭރު، މާފަންނު، ގަލޮޅު އަދި މައްޗަންގޮޅި ރަމްޒުކޮށްދެއެވެ. އަދި ދެ ފަރާތުން ރަމްޒުކޮށްދެނީ ވިލިމާލެއާއި ހުޅުމާލެއެވެ.
މާލޭގެ ހަތަރު އަވަށަށް ޒަމާނުއްސުރެ ހަތަރު ކުލައެއް ދިޔައީ ބޭނުންކުރަމުންނެވެ. އައު ލޯގޯއިން ވެސް މި ހަތަރު ކުލަ ފެނެއެވެ. އެއީ ފެހި ކުލައާއި، އަސުރުމަލު ކުލައާއި، ނޫކުލައިގެ އިތުރުން އަޅި ކުލައެވެ. އަރިމަތިން ފެންނަ ދަނބު ކުލައާއި ވިލު ކުލައިން ރަމްޒުކޮށްދެނީ ވިލިމާލެއާއި ހުޅުމާލެއެވެ.
ނޫކުލައިން ހެންވޭރު، ފެހިކުލައިން ގަލޮޅު، އަޅިކުލައިން މައްޗަންގޯޅި އަދި އަސުރުމަލު ކުލައިން މާފަންނު ރަމްޒުކޮށްދެއެވެ. ހުޅުމާލެއަށް ވިލުކުލަ އަދި ވިލިމާލެއަށް ދަނބުކުލަ ވަނީ ދީފައެވެ.
ލޯގޯގައި ފެންނަ ގޮޅިތަކުގެ ފަރުމާއިން ރަމްޒުކޮށްދެނީ ދިވެހި ވެރިކަމުގެ ނިޝާނެވެ. މި ލޯގޯއިން ޖުމްލަކޮށް ރަމްޒުކޮށްދެނީ އެއްބައިވަންތަކަމެވެ. ގުޅިފައިވާ ގޮޅިތަކާއި ރޮނގުތަކުން އެކުވެރިކަން ދައްކުވައިދެއެވެ.
މާލެ ސިޓީ ކައުންސިލްގެ އައު ލޯގޯއަކީ މި ކައުންސިލް އުފެދުނު ފަހުން ބޭނުންކުރަން ފެށި ތިންވަނަ ލޯގޯއެވެ.
އޭ. ކޮބާ ރާއްޖޭގެ ވެރިކަމުގެ ނިޝާނަކީ މި ލޯގޯއިން. ރާއްޖޭގެ ވެރިކަމުގެ ނިޝާނަކީ އަނެއްކާ މި ކުލަޖައްސާފަ ހުރި ގޮޅިތައްތަ!. ކޮންތާކު ކާކު މި ނިޝަން ބޭނުންކުރީ އަނެއްކާ. އަންގާލަ ބަލަ. އަހަރެން ހީކޮށްގެން މިހުންނަނީ ރާޢްޖޭގެ ވެރިކަމުގެ ނިޝާނާ ދައުލަތުގެ ނިޝާނާ މީ އަނެއްކާ އެއް ނިޝާނެއް ނޫންބާވަޔޭ. ނިކަން ސާފުކޮށްލަދީބަލަ
ސުލްތާން ބޭނުން ކުރެއްވި ސީލް
ތިޔަ ނިޝާނާއި އެއްވަތަރު ނިޝާނެއް ރާއްޖޭގައި ރަސްކަން ކުރެއްވި ދިޔަމިގިލީ ދަރިކޮޅަށް ނިސްބަތްވާ އައްސުލްޠާން މުޙައްމަދު އިމާދުއްދީނުވެސް ބާނުން ކުރެއްވިކަމަށް ބުނެއުޅޭ
ތިޔައީ ދެން ކޮންފަދަ ކަމެއްތޭ. މީޑިއާ އިސްޓަންޓު ނުޖައްސަގަ.. ފުރަތަމަ ސިޓީކައުންސިލް ދޮރުމަތީ ތާރުއެޅިމަގުގަ ނޯޕާރކިންގ ބޯޑުޖަހާފަހުރި ދިމާލުގަ ދުވާލުގަޑީގަ އެތާ ބާއްވައިގެން ބަންގާޅީން ފޮހެސާފުކުރާ ކާރުތަކާ ޓެކްސީތައް އެތަނުން ނެގޭތޯ ބަލާބަލަ!!!!