ސުޕްރީމް ކޯޓާއި ހައިކޯޓު ރިސެސްއަށް ހިނގައްޖެ

ސުޕްރީމް ކޯޓާއި ހައިކޯޓު ރިސެސްއަށް ހިނގައްޖެއެވެ.

Ads by Hajj Corporation

ކޮންމެ އަހަރަކު ވެސް ޑިސެމްބަރު މަހު ކޯޓުތައް ރިސެސްއަށް ދާ އުސޫލުން ސުޕްރީމް ކޯޓާއި ހައި ކޯޓު ރިސެސްއަށް ގޮސްފައި ވަނީ އަންނަ އަހަރުގެ ޖެނުއަރީ މަހުގެ ފުރަތަމަ ދުވަހާ ހަމައަށެވެ.

ނަމަވެސް ޖެނުއަރީ މަހުގެ ފުރަތަމަ ދުވަހަކީ މީލާދީ ގޮތުން އައު އަހަރު ފެށޭ ދުވަސް ކަމަށް ވެފައި، އެއީ ބަންދު ދުވަހަކަށް ވާތީ، ސުޕްރީމް ކޯޓާއި ހައިކޯޓު، އަލުން ހުޅުވޭނީ ޖެނުއަރީ މަހުގެ ދެވަނަ ދުވަހުގައެވެ.

ރިސެސްގައިވާ މުއްދަތުގައި ގާނޫނުއަސާސީގެ ނުވަތަ ގާނޫނެއްގެ ދަށުން ވަކި ކަމެއް ވަކި މުއްދަތެއްގެ ތެރޭގައި ނިންމަން ޖެހިފައިވާ ހާލަތެއްގައި ނުވަތަ ހުކުމް ކުރުމަށް ނޫނީ ދެ ކޯޓުގައި ވެސް އެއްވެސް އަޑުއެހުމެއް ނޯންނާނެއެވެ.