ކޮވިޑްގެ ނުރައްކާ ބޮޑު ވަނީ, 21 ރަށެއް ބަންދުކޮށްފި
ކޮވިޑް-19 ވޭދަނަތައް މުޖުތަމައު ތެރެއަށް ފެތުރި މޮނިޓަރިންއަށް ލައިފައިވާ ރަށްރަށުގެ އަދަދު 21އަށް އަރައިފިއެވެ.
ހެލްތު ޕްރޮޓެކްޝަން އެޖެންސީގެ އެންމެ ފަހުގެ ކޮވިޑް މައުލޫމާތުތައް ދައްކާގޮތުން މިހާރު މޮނިޓަރިންއަށް ލައިފައިވާ ރަށްރަށުގެ ތެރެއިން އެންމެ ގިނަ ދުވަހު މޮނިޓަރިންގައި އޮތީ މިދިޔަ އޮގަސްޓު މަހުގެ 28ވަނަ ދުވަހު މޮނިޓަރިންއަށް ލީ އައްޑޫ ސިޓީގެ ގުޅިފައިވާ ރަށްތަކުގެ ތެރެއިން ހިތަދޫ، މަރަދޫ، މަރަދޫފޭދޫ، ފޭދޫ އެވެ. ދެން އެންމެ ގިނަދުވަހު މޮނިޓަރިންގައި އޮތީ އައްޑޫ ސިޓީ ހުޅުމީދޫއެވެ. އެރަށް މޮނިޓަރިންއަށް ލީ މިދިޔަ ސެޕްޓެމްބަރު މަހުގެ 4ވަނަ ދުވަހުއެވެ.
މޮނިޓަރިންގައި މިވަގުތު އޮތް އިތުރު ރަށްތަކުގެ ތެރޭގައި މ. މުލައް, ނ. މިލަންދޫ, ނ. ވެލިދޫ, އދ. މަހިބަދޫ, ދ. ކުޑަހުވަދޫ, އދ. މާމިގިލި, ނ. މާފަރު, ބ. އޭދަފުށި, ހދ. ހަނިމާދޫ, ބ. ދޮންފަނު, ނ. ލަންދޫ, ނ. މިލަންދޫ, ޅ. ހިންނަވަރު, ތ. ވިލުފުށި, ތ. ހިރިލަންދޫ އަދި ގދ. ރަތަފަންދޫ ހިމެނެއެވެ.
ރާއްޖެއިން ކޮވިޑް-19އަށް މިހަިއތަނަށް ފައްސިވީ 93،064 މީހުންނެވެ.
