3 ރަށެއްގެ ސްކޫލަށް ބޭނުންވާ އުމްރާނީ ވަސީލަތްތައް ޤާއިމުކުރަނީ!
ތިން ރަށެއްގެ ސްކޫލަށް ބޭނުންވާ އުމްރާނީ ވަސީލަތްތައް ޤާއިމްކުރުމުގެ މަސައްކަތް މިނިސްޓްރީ އޮފް އެޑިއުކޭޝަންއިން ތިން ކުންފުންޏަކާ ހަވާލުކޮށްފިއެވެ.
އެޑިއުކޭޝަން މިނިސްޓްރީން ހަވާލުކޮށްފައި ވަނީ ށ. ޅައިމަގު، އއ. އަތޮޅު ތަޢުލީމީ މަރުކަޒު އަދި ރ. އިނގުރައިދޫ ސްކޫލްގައި ކްލާސްރޫމް، ސްޓާފްރޫމް، އޮފީސް އަދި މަލްޓިޕަރޕަސް ހޯލް އިމާރާތް ކުރުމުގެ މަސައްކަތެވެ.
ށ. ޅައިމަގު އަދި އއ. އަތޮޅު ތަޢުލީމީ މަރުކަޒުގެ މަސައްކަތް ހަވާލުކޮށްފައި ވަނީ ޔެސް މޯލްޑިވްސް ޕްރައިވެޓް ލިމިޓެޑްއާއެވެ. އެެ ފަރާތުން ށ. ޅައިމަގު ސްކޫލުގެ މަސައްކަތަށް ހުށައަޅުއްވައިފައި ވަނީ 16,782,860.70 ރ(ސޯޅަ މިލިޔަން ހަތް ލައްކަ އައްޑިހަ ދެހާސް އައްސަތޭކަ ފަސްދޮޅަސް ރުފިޔާ ހަތްދިހަ ލާރި)އަށް މި މަސައްކަތް 365 ދުވަހުގެ ތެރޭގައި ނިންމައި ދިނުމަށެވެ.
އއ. އަތޮޅު ތަޢުލީމީ މަރުކަޒުގެ މަސައްކަތަށް ހުށައަޅުއްވައިފައި ވަނީ 21,913,159.73 ރ(އެކާވީސް މިލިޔަން ނުވަ ލައްކަ ތޭރަ ހާސް އެއްސަތޭކަ ފަންސާސް ނުވަ ރުފިޔާ ހަތްދިހަ ތިން ލާރި)އަށް މި މަސައްކަތް 400 ދުވަހުގެ ތެރޭގައި ނިންމައިދިނުމަށެވެ.
ރ. އިނގުރައިދޫ ސްކޫލްގެ މަސައްކަތް ހަވާލުކޮށްފައި ވަނީ މާލާ ހައި ރައިސިންގ ކޮންސްޓްރަކްޝަން ޕްރައިވެޓް ލިމިޓެޑްއާއެވެ.
