މުލަކުގެ ގޮނޑުދޮށް ހިމާޔަތް ކުރުުމުގެ މަސައްކަތް ނިންމައިފި
މ. މުލަކު ގޮނޑުދޮށް ހިމާޔަތް ކުރުމުގެ މަސައްކަތް އަމަލީގޮތުން ނިމިއްޖެއެވެ.
މިނިސްޓްރީ އޮފް ނޭޝަނަލް ޕްލޭނިންގ ހައުސިންގ އެންޑް އިންފްރާސްޓްރަކްޗަރގެ ފަރާތުން އެމްޓީސީސީއާއި، ހަވާލުކޮށްގެން ކުރިއަށް ގެންދިޔަ މި މަޝްރޫއަކީ 6.17 މިލިއަން ރުފިޔާގެ މަޝްރޫއެކެވެ. މި މަޝްރޫޢުގެ ދަށުން، 90.411 މީޓަރުގެ ސަރަޙައްދެއްގައި ޖިއޯ ބޭގް ރިވެޓްމެންޓް ޖެހުމުގެ މަސައްކަތް ކޮށްފައި ވެއެވެ.
ފާއިތުވެދިޔަ 3 އަހަރުތެރޭ އެމްޓީސީސީން ވަނީ ބަނދަރު ހެދުމާއި، ބިން ހިއްކުމާއި އަދި ގޮނޑުދޮށް ހިމާޔަތްކުރުމުގެ 42 މަސައްކަތެއް ނިންމައިފައެވެ.
1980ވަނަ އަހަރު އުފެދުނު އެމްޓީސީސީއަކީ ރާއްޖޭގެ ތަރައްޤީގައި މުހިންމު ދައުރެއް އަދާކުރާ ކުންފުންޏެކެވެ.
އެމް.ޓީ.ސީ.ސީ.ގައި ރާއްޖޭގެ އެކި ހިސާބުތަކުގައި އެއްފަހަރާ ގިނަ މަޝްރޫޢުތަކެއް ހިންގުމުގެ ޤާބިލުކަން އެބަހުއްޓެވެ. ބަނދަރު ހެދުމާއި، ޑްރެޖިންގ އެންޑް ރިކްލެމޭޝަނާއި، ޝީޓް ޕައިލިންގްއާއި، ނަރުދަމާގެ މަސައްކަތާއި، ޢިމާރާތް ކުރުމާއި، އެއަރޕޯޓް ހެދުމާއި، މަގު ހެދުމުގެ މަޝްރޫޢު ފަދަ ތަފާތު ޢުމްރާނީ ތަރައްޤީއާއި، ޢިމާރާތް ކުރުމުގެ ތަފާތު މަޝްރޫޢުތައް އެމްޓީސީސީގެ ފަރާތުން ކާމިޔާބުކަމާ އެކީގައި ވަނީ ކޮށްފައެވެ.
