ފޮތްތަކުގައި ހުންނަ ޤުރުއާނުގެ އާޔަތްތަކުގައި ކުށް ހުރޭތޯ ބެލުމަށް ކޮމިޓީއެއް

ރާއްޖޭގައި ޗާޕު ކުރާ އިސްލާމް، އަދި ޤުރުއާންގެ އާޔަތްތައް ހިމެނޭ ފޮތްތަކުގައި ކުށްހުރިތޯ ބަލައި ފާސްކުރާ ކޮމެޓީއެއް އެކުލަވައިލައިފިއެވެ.

Ads by Hajj Corporation

ކޮމިޓީގައި ހިމެނިވަޑައިގަންނަވާ ބޭފުޅުންނާ އިސްލާމިކް މިނިސްޓަރ ޑރ. އަޙްމަދު ޒާހިރު ވަނީ މިއަދު ބައްދަލު ކުރައްވައިފައެވެ.

މި ބައްދަލުކުރެއްވުމާ ގުޅޭ ގޮތުން އިސްލާމިކް މިނިސްޓްރީއިން ބުނީ، ކޮމިޓީގެ މަސައްކަތްތައް ކުރިއަށްގެންދާނެ ގޮތާ ބެހޭ ގޮތުން މިނިސްޓަރާ އެކު މަޝްވަރާ ކުރައްވައިފައިވާ ކަމަށެވެ.

ކޮމިޓީގައި ހިމެނިވަޑައިގަންނަވާ އިލްމުވެރިންގެ ތެރޭގައި ޑރ.މުހައްމަދު އިޔާޒު އަބްދުލްލަތީފު ވެސް ހިމެނިވަޑައިގަންނަވައެވެ.

ސްކޫލް ދަރިވަރުން ބޭނުން ކުރަމުން އަންނަ އިސްލާމާއި ޤުރްއާން ފޮތްތަކުގައި ކުށް ހުރިކަން ފާހަގަވެ އެކަން އެޑިއުކޭޝަން މިނިސްޓްރީގެ ސަމާލުކަމަށް ގެނެސްފައި ވަނީ މިދިޔަ އަހަރުގެ ސެޕްޓެމްބަރު މަހުގެތެރޭގައެވެ.

އެކަމާ ގުޅިގެން މިނިސްޓްރީން ކުރިން ބުނީ މިފަދަ ކަމެއް ތަކުރާރު ނުވާނެހެން މިނިސްޓްރީން އަމަލު ކުރަމުން ގެންދާނެ ކަމަށެވެ.