މާލޭގައި އަންހެނަކަށް ގެވެށި އަނިޔާ ކުރި މައްސަލައެއް ފެންމަތި ވެއްޖެ
މާލޭގައި ފިރިހެނަކު އޭނާގެ އަނބިމީހާއަށް ގެވެށި އަނިޔާކޮށް، އަނބިމީހާ ވަރަށް ބޮޑަށް ޒަހަމްކޮށްލައިފިއެވެ.
ފުލުހުން ވިދާޅުވީ މާލޭ ގެއެއްގައި ބިދޭސީ އަންހެނަކަށް އޭނާގެ ފިރިމީހާ ގެވެށި އަނިޔާ ކޮށްފައިވާކަމުގެ މައްސަލައެއް މިއަދު 06:20 ކަންހައިއިރު ފުލުހުންނަށް ރިޕޯޓް ކޮށްފައިވާ ކަމަށެވެ. އަދި އަނިޔާ ލިބުނު އަންހެން މީހާ އައިޖީއެމްއެޗްގައި ފަރުވާ ހޯދަމުންދާ ކަމަށް ވެސް ފުލުހުން ވިދާޅުވިއެވެ.
މި މައްސަލައާ ގުޅިގެން އިތުރަށް ބަލަން ޖެހޭ ކަންތައްތައް ފުލުހުން މިހާރު ދަނީ ބަލަމުންނެވެ.
އެ އަންހެން މީހާ ފުލުހުންގެ އެހީތެރިކަމާ އެކު ގެއިން ނިކުމެގެން ދާ މަންޒަރު ދައްކުވައިދޭ ވީޑިއޯއެއް މިހާރު މީސް މީޑިއާގައި ދަނީ ދައުރުވަމުންނެވެ. އެ ވީޑިއޯއިން ފެންނަ ގޮތުގައި އަންހެން މީހާ ލައިގެން ހުރި ހެދުމުގައި ވަރަށް ގިނަ އަދަދެއްގެ ލޭ ހުއްޓެވެ. މަޢުލޫމާތު ލިބިފައިވާ ގޮތުގައި އަންހެން މީހާއަށް ޒަހަންކޮށްފައި ވަނީ ތޫނު އެއްޗަކުންނެވެ.
ވަރަށް ދެރަވެއްޖެ.