ރައްޔިތުންނަށް އޮޅުވައިލުމަށް ޓަކައި ދެއްކެވެން ހުރި ހުރިހާ ވާހަކައެއް ރިޔާސީ ބަޔާނުގައި އިއްވެވި
ދިވެހި ރައްޔިތުންނަށް އޮޅުވައިލުމަށް ޓަކައި ދެއްކެވެން ހުރި ހުރިހާ ވާހަކައެއް، ރައީސް އިބްރާހީމް މުހައްމަދު ޞާލިހު ރިޔާސީ ބަޔާނުގައި ދެއްކެވި ކަމަށް ޕީއެންސީގެ ނައިބު ރައީސް މުހައްމަދު ސައީދު ވިދާޅުވެއްޖެއެވެ.
ޗެނަލް13ގެ ނިއުސްޓޯކް ޕްރޮގްރާމްގައި، ރައްޔިތުންގެ މަޖިލިސް މިއަހަރަށް ހުޅުއްވައި ދެއްވަވައި، ރައީސް ސޯލިހު އިއްވެވި ރިޔާސީ ބަޔާނަށް ފާޑުވިދާޅުވެ ސައީދު ވަނީ އެއީ އޮޅުވައިލުމުން ފުރިގެންވާ ބަޔާނެއްގެ ގޮތުގައި ސިފަ ކުރައްވައިފައެވެ.
އެގޮތުން ކޮންމެ އަހަރެއްގެ ސިޔާސީ ބަޔާނުގައި ވެސް ތިލަ މާލެ ބްރިޖްގެ ވާހަކަ ދައްކާކަމަށް އޭނާ ވަނީ ވިދާޅުވެފައެވެ.
"މިއީ ނޭޅޭ ބްރިޖެއް، އަޅަން ނުފަށާ ބްރިޖެއް. 91 ބިލިއަން ރުފިޔާއަށް ދަރަނި އިތުރު ވެފައި އޮތްއިރު، އޭގެ މައްޗަށް އަނެއްކާ ދަރަނި އިތުރުކޮށް، ފަޅެއް ހިއްކައިގެން މާލެ ރައްޔިތުންނަށް 2،000 ގޯތި ދޭން އެ ވިދާޅުވަނީ. އަދި އެއީ ވެސް 500 ބިލިއަން ޑޮލަރުގެ ފާލަމެއް އަޅައިފައި." އޭނާ ވިދާޅުވިއެވެ.
ސައީދު ވިދާޅުވީ ބޯހިޔާވަހިކަމުގެ މައްސަލައަކީ ދިވެހި ރައްޔިތުންނަށް ދިމާވެފައިވާ އެންމެ ބޮޑު މައްސަލަ ކަމަށާއި، ރައީސް ސޯލިހުގެ ވެރިކަމަށް 4 އަހަރުވާން ކައިރިވީއިރު ވެސް މި މައްސަލަ ހައްލު ކުރުމަށް އެދެވޭ މަސައްކަތްތަކެއް ކުރެވިފައި ނުވާ ކަމަށެވެ.
ބުރާސްފަތި ދުވަހު ރައީސް ޞާލިހު އިއްވެވި ރިޔާސީ ބަޔާނުގައި ގިރާވަރު ފަޅު ހިއްކައިގެން މާލޭގެ ރައްޔިތުންނަށް ގޯތި ދެއްވާނެ ކަަމަށް ވިދާޅުވިއެވެ. އަދި ތިލަމާލެ ބްރިޖްގެ މަަސައްކަތް ކުރިއަށްދާ ކަމާއި، މިއީ ރާއްޖޭގައި ހިންގާ އުމްރާނީ ތަރައްގީގެ އެންމެ ބޮޑު މަޝްރޫއު ކަމަށް ވެސް ވިދާޅުވިއެވެ.
ސއީދުލަދުކޮބާތަބޯހިޔާވަހިކަމޭކިޔާއިރުމިފުވައްލަކުގައެޅީމޭބުނާފުލެޓުލިބުނުމީހުންދެލައްކައައްވުރެމަދުނޫންއަދަދަކަޚަރަދުނުކުރާއެކަކުވެސްނެތް