މީހަކު ގަވައިދާ ހިލާފުވުމުން، ދޫނީގެ ކަރު ބުރި ކުރާކަށް ނުޖެހޭ: ބޮންޑެ
މީހަކު ގަވައިދާ ހިލާފުވުމުން، ދޫނީގެ ކަރުބުރި ކުރަން ނުޖެހޭ ކަމަށް ރައްޔިތުންގެ މަޖިލީހުގެ މާފަންނު މެދު ދާއިރާގެ މެމްބަރު އިބްރާހީމް ރަޝީދު(ބޮންޑެ) ވިދާޅުވެއްޖެއެވެ.
އޭނާ މިހެން ވިދާޅުވެފައިވަނީ ރާއްޖެއަށް ގަވައިދާ ހިލާފަށް އެތެރެ ކުރި 130 ދޫންޏެއް، ފިޝަރީޒް މިނިސްޓްރީން އިއްޔެ މަރައިލުމާ ގުޅިގެންނެވެ.
ދޫނިތައް އެތެރެ ކުރުމުގެ ހުއްދަ ނެތް ކަމަށް ބުނެ، އެތަކެތި އެތެރެ ކުރި މީހުންނަށް އަދަބު ނުދީ، ދޫނިތަކަށް އަދަބު ދިން މައްސަަލަ ހޫނުވެ، ގިނަ ބައެއްގެ ފާޑުކިޔުންތައް އަމާޒުވިއެވެ.
ފިޝަރީޒް މިނިސްޓްރީން ބުނީ މިކަމުގައި އަމަލު ކުރީ އެޓާނީ ޖެނެރަލްގެ ލަފާގެ މަތިން ކަމަށެވެ. ނަމަވެސް އޭޖީ އޮފީހުން ބުނެފައި ވަނީ ދޫނިތައް މަރައި ނުލައި، އެތަކެތި ގެނައި ގައުމަށް އަނބުރާ ފޮނުވާލެވުނީސް ކަމަށެވެ.
ބޮންޑެ ކުރެއްވި ޓްވީޓެއްގައި ވިދާޅުވީ ކަރަންޓީނުކޮށް ގަވާއިދު ހަދަންތިބޭ ބައެއް މީހުން ދޫނީގެ ވިޔަފާރި ކޮންޓްރޯލް ކުރުމުގެ މަގުސަދުގައި ބައެއް ފަރާތްތަކުން އެތެރެކުރާ ހުއްދަ ދޫނިތައް ވެސް މަރާކަމުގެ ޝަކުވާތައް ވަނީ ލިބިފައި ކަމަށެވެ. އޭނާ އިތުރަށް ވިދާޅުވީ މިކަން ހުއްޓުވާނެ ކަމަށެވެ.
އިއްޔެ މަރައިލި ދޫނިތަކުގެ އަގު، އެއް މިލިއަން ރުފިޔާއަށް އަަރައެވެ.
ދޫނިތަށް މަރާލުން ކުއްވެރިކުަރަން އެކަމަކު މީގެ ދެ ދުވަސްކުރިން ލަންކާގެ ގޮނޑުދޮށަށް ވަރަށް އަނިޔާވެރި ގޮތަކަށް މަރާލާފައި އެއްލާލާފައި އޮތް ދިވެހި މީހާގެ ވާހަކަ ނުދެށްކަނީ ކީއްވެތޯ ކުޑަމިނުން އެކަން ބަލަން ގޮވާލަން މަޖިލީސް މެންބަރުން އިސް ނުނަގަނީ ކީއްވެތޯ ! އިންސާނުންގެ ފުރާނައަށް ވުރެ ދޫނިސޫފާސޫފީގެ އަގު މިމީހުންގެ ކުރިމަތީގައި ބޮޑީކަންނޭންގެދޯ! ކުޑަމިނުން އެކަން ފާހަގަކޮށްލަންކީއްތޯވާނީ ނުވަތަ ތައުޒިޔާކިޔާލުން ކިހިނެތްތޯވާނީ