ޚަބަރު

ނެތިދިއުމުގެ ބިރު ހީވެފައިވާ ދިރޭތަކެތި ކަނޑައެޅުމުގައި ބަލާނެ މިންގަނޑު އާންމުކޮށްފި

ރައުފާ ރަޝީދު ، ދެން އޮންލައިން

ރާއްޖޭގައި އުޅޭ ދިރޭ ތަކެތީގެ ތެރެއިން ނެތިގެން ހިނގައިދާނެކަމުގެ ބިރުހީވެފައިވާ ތަކެތި ކަނޑައެޅުމުގައި ބަލާނެ ރަސްމީ މިންގަނޑު ގަވާއިދުގައި ހިމަނާ މިއަދު އާންމުކޮށްފިއެވެ.

Ads by STELCO

ނެތިދިއުމުގެ ބިރު ހީވެފައިވާ ދިރުންތަކާއި އަދި އެ ތަކެއްޗަށް ކުރިމަތިވެފައިވާ ނުރައްކާތައް ދެނެގަނެ، ގިންތިކުރާ މިންގަނޑުތައް ބަހައިލައިފައި ވަނީ 14 ކެޓަގަރީއަކަށެވެ.

އެ ކެޓަގަރީތަކަކީ ގުދުރަތީ މާހައުލުން ނެތިގޮސްފައިވާ ކެޓަގަރީ, ނެތިގޮސްފައިވާ ކެޓަގަރީ, ނެތިދިޔުމުގެ ނުރައްކާ ކުރިމަތިވެފައިވާ ކެޓަގަރީ, ނާޒުކު ފައްތަރެއް/ހާލަތެއްގައިވާ ކެޓަގަރީ, ނެތިދިޔުމުގެ ބިރު ކުރިމަތިވެފައިވާ ކެޓަގަރީ, ނެތިދިޔުމުގެ ނުރައްކާ ކުރިމަތިވެދާނެ ކެޓެގަރީ, ނެތިދިޔުމުގެ ނުރައްކާ ހުށަހެޅިފައިވާ ކެޓަގަރީ, ހާލަތު ރަނގަޅު ކެޓަގަރީ, އެކަށީގެންވާ ވަރަށް މަޢުލޫމާތު ނެތް ކެޓަގަރީ, އެއްވެސް ކެޓަގަރީއަކަށް ނުފެތޭ ކެޓަގަރީ, މީޒާންކޮށްފައި ނުވާ ކެޓަގަރީ, ނެތިދިޔުމުގެ ނުރައްކާ ކެޓެގަރީ, އެކަށީގެންވާ މަޢުލޫމާތު ލިބެންހުރި ކެޓަގަރީ އަދި މީޒާންކޮށްފައިވާ ކެޓަގަރީއެވެ.

ރާއްޖޭގައި ދިރިއުޅޭ ދިރޭތަކެތީގެ ތެރެއިން ނެތިދިއުމުގެ ބިރުހީވެފައިވާ ދިރުންތައް ހިމާޔަތްކުރުމަށް ޓަކައި ފުރަތަމަ ފަހަރަށް ނެޝަނަލް ރެޑް ލިސްޓެއް އެކުލަވައިލުމުގެ މަސައްކަތް ފަށައިފައި ވަނީ މިދިޔަ މަހުގެ 20ވަނަ ދުވަހުއެވެ.

އެންވަޔަރަންމަންޓް މިނިސްޓްރީން ވިދާޅުވީ މިމަސައްކަތަށް ބޭނުންވާ ކަމާ ގުޅޭ ފަންނީ ކޮމިޓީއެއް މިހާރު އެކުލަވައިލައިފައިވާ ކަމަށާއި ކޮމިޓީގެ ލަފާގެ މަތިން ތިން ބާވަތެއްގެ ދިރޭ ތަކެތި ވަޒަންކުރުމުގެ މަސައްކަތް ކުރަމުންދާ ކަމަށެވެ.

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!