ވައިގެ މަގުން ރާއްޖެ އެތެރެކުރި 12.7 ގުރާމްގެ މަސްތުވާތަކެތި އަތުލައިގެންފި
ރާއްޖެއަށް އެތެރެ ކުރި ގިނަ އަދަދެއްގެ މަސްތުވާތަކެތި މޯލްޑިވްސް ކަސްޓަމްސް ސާވިސްއިން އަތުލައިގެންފިއެވެ.
ކަސްޓަމްސްއިން ބުނީ، މަސްތުވާތަކެތި ފެނިފައި ވަނީ ވައިގެ މަގުން ސްރީލަންކާއިން ރާއްޖެއައި އިނގިރޭސި ވިލާތުގެ ރައްޔިތެއްގެ އަތުން ކަމަށެވެ.
އޭނާއާ މެދު ޝައްކުކުރެވިގެން ފަސިންޖަރުގެ ލަގެޖް ކަސްޓަމްސްއިން އިތުރަށް ބަލައި ފާސްކުރިއިރު، މި ފަސިންޖަރުގެ ލަގެޖުގެ ތެރެއިން މަސްތުވާތަކެތިކަމަށް ޝައްކުކުރެވޭ ތަކެތި ފެނިފައިވާކަމަށް ކަސްޓަމްސްއިން ބުންޏެވެ.
އަދި ފުރަތަމަ މަރުޙަލާގައި މިތަކެތި ކަސްޓަމްސްއިން ޓެސްޓްކުރި އިރު މަސްތުވާތަކެތީގެ ބާވަތެއް ކަމުގައިވާ ކެނެބިސްއަށް ފައްސިވެފައިވާ ކަމަށެވެ.
އެގޮތުން އަތުލައިގަނެވުނު މަސްތުވާތަކެތީގެ ތެރޭގައި
ހިމެނެނީ ކެނެބިސްއާއި ކެނެބިސް ހާބަލްއެވެ. މިތަކެތީގެ ޖުމްލަ ބަރުދަނުގައި 12.7 ގުރާމް ހުއްޓެވެ.
މިމައްސަލައިގައި ޝާމިލްވާ މީހާއާއި އަތުލައިގަނެވުނު މަސްތުވާތަކެތި މިހާރު މޯލްޑިވްސް ޕޮލިސް ސަރވިސްއާ
ޙަވާލުކުރެވިފައިވާ ކަމަށް ކަސްޓަމްސްއިން ބުންޏެވެ.
