ގެއެއްގެ ތަޅުންގަނޑުގައި ވަޅުލައިފައި ހުރި 42 ކިލޯގެ މަސްތުވާތަކެތި ހޯދައިފި

މާލޭގެ ގެއެއްގެ ތަޅުންގަނޑުގައި ވަޅުލައިފައި ހުރި 42 ކިލޯއަށް ވުރެ ގިނަ މަސްތުވާތަކެތި ފުލުހުން ހޯދައިފިއެވެ.

Ads by STELCO

މަޢުލޫމާތު ލިބިފައިވާ ގޮތުގައި އެ ގެއަށް ކޯޓު އަމުރަކާ އެކު ފުލުހުން ވަނީ ރޭ ދަންވަރު 3:00 ޖަހާކަންހާއިރުއެވެ. ފުލުހުންގެ ބެލުމުގެ ދަށުން ތަން ދޫކޮށްލީ ހެނދުނު 7:30 ކަންހާއިރެވެ.

ޕޮލިސް ކޮމިޝަނަރު މުހައްމަދު ހަމީދު މިއަދު ކުރެއްވި ޓުވީޓެއްގައި ވިދާޅުވީ އިއްޔެއިން ފެށިގެން ފުލުހުންގެ ޑްރަގް އެންފޯސްމަންޓް އެންޑް ކައުންޓާ ނާކޮޓިސް އިންޓެލިޖެންސްއިން މާލޭގައި ސާޗު އޮޕަރޭޝަނެއް ފަށައިފައިވާ ކަމަށެވެ.

އަދި މާފަންނު ގެއެއްގެ ތެރޭގައި ވަޅުލައިފައި ހުރި ގިނަ އަދަދެއްގެ މަސްތުވާތަކެތި ފެނުނީ އެ އޮޕަރޭޝަންގެ ތެރެއިން ކަމަށް ހަމީދު ވިދާޅުވިއެވެ. ހަމީދު ވިދާޅުވީ ފުލުހުން ހޯދާފައި ވަނީ މަސްތުވާތަކެތީގެ ބާވަތެއް ކަމަށްވާ ހެރޮއިން ކަމަށެވެ.