ރަސްމާދުއާއި ފައިނު ސްކޫލުގައި 3 ބުރީގެ އިމާރާތެއް އެޅުމަށް ހަވާލުކޮށްފި
ރ. ރަސްމާދުއާއި އެއަތޮޅު ފައިނު ސްކޫލުގައި 3 ބުރީގެ އިމާރާތެއް އެޅުމުގެ މަސައްކަތް އަމިއްލަ ބަޔަކާ ޙަވާލުކޮށްފިއެވެ.
އެޑިއުކޭޝަން މިނިސްޓްރީން ވިދާޅުވީ ރަސްމާދޫ ސްކޫލުގައި އަޅާ 3 ބުރީގެ އިމާރާތަށް 12.8 މިލިއަނަށް ވުރެ ގިނަ ރުފިޔާ ޚަރަދުވާނެ ކަމަށާއި ފައިނު ސްކޫލުގައި އަޅާ 3 ބުރީގެ އިމާރާތަށް 15.2 މިލިއަނަށް ވުރެ ގިނަ ރުފިޔާ ޚަރަދުވާނެ ކަމަށެވެ.
މިނިސްޓްރީގެ މިކަމުގެ އެއްބަސްވުމުގައި މިނިސްޓްރީ އޮފް އެޑިޔުކޭޝަންގެ ފަރާތުން ސޮއިކުރެއްވީ އެޑިއުކޭޝަން މިނިސްޓަރ ޑރ. ޢާއިޝަތު ޢަލީއެވެ.
މި 2 މަޝްރޫޢުގެ ޢަމަލީ މަސައްކަތްކުރުމަށް ޙަވާލުކޮށްފައި ވަނީ ސްވިފްޓް އިންޖިނިއަރިންގ ޕްރައިވެޓް ލިމިޓެޑާއެވެ. ސްވިފްޓް އިންޖިނިއަރިންގ ޕްރައިވެޓް ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ ޑިރެކްޓަރ މުޙައްމަދު ޒުބައިރުއެވެ.
މި ދެ މަޝްރޫޢު ވެސް ސްވިފްޓް އިންޖިނިއަރިންގއާއި ޙަވާލުކޮށްފައި ވަނީ އެއް އަހަރު ދުވަހުގެ ތެރޭގައި މަސައްކަތް އެއްކޮށް ނިންމާ ގޮތަށެވެ.
