ބޮޑުވި މުސާރައާއެކު ގިނަ ޓީޗަރުންނަށް މަހަކު 20،000 ރުފިޔާ
މިއަދު އިއުލާން ކުރެވުނު ބޮޑު މުސާރައާ އެކު ގިނަ ޓީޗަރުންނަށް މަހަކު 20،000 ރުފިޔާ ލިބިގެންދާނެ ކަމަށް ފިނޭންސް މިނިސްޓަރު އިބްރާޙީމް އަމީރު ވިދާޅުވެއްޖެއެވެ.
މުސާރަ ބޮޑު ކުރެއްވިކަން ހާމަ ކުރެއްވުމަށް ރައީސް މިއަދު ދެއްވި ޚިތާބަށް ފަހު މިނިސްޓަރު އަމީރު ވަނީ ބޮޑުކުރި މުސާރައިގެ ތަފްސީލް ދެއްވައިފައެވެ.
ރާއްޖޭގެ ތަޢުލީމީ ދާއިރާގައި މި ވަގުތު 9119 މުދައްރިސުން އަންނަނީ މަސައްކަތްކުރަމުންނެގެ. އޭގެ ތެރޭގައި 6498 ދާއިމީ ދިވެހި މުދައްރިސުންނާއި، 1730 ބިދޭސީ މުވައްޒަފުންނާއި ވަގުތީ 891 މުދައްރިސުން ހިމެނެއެވެ.
ރާއްޖޭގައި މަސައްކަތް ކުރާ ގިނަ ޓީޗަރުންނަކީ ރޭންކް ދޭއްގެ މުވައްޒިފުންނެވެ. ރޭންކް ދޭއްގެ މުވައްޒިފުންނަށް އެވްރެޖްކޮށް ކުރިން ލިބެމުން ދިޔައީ 10،889 ރުފިޔާއެވެ. 22 އިންސައްތައިގެ އިތުރުވުމަކާ އެކު، މި ލެވެލްގެ ޓީޗަރުންނަށް 13،266 މުސާރައިގެ ގޮތުގައި ދެން ލިބިގެންދާނެއެވެ. 50 އިންސައްތައިގެ އިތުރުވުމަކާއެކު ރޭންކް ދޭއްގެ ޓީޗަރުންނަށް 13،089އިން 19،467 މުސާރައެއް ލިބޭނެއެވެ. ރޭންކް ތިނެއް ގައި 15،135 ލިބެމުން އައި ޓީޗަރުންނަށް 20،895 ރުފިޔާ މުސާރައިގެ ގޮތުގައި ލިބޭނެއެވެ.
