ސަމާލުވޭ! ރާއްޖޭގެ ހުރިހާ ސަރަހައްދަކަށް ވެސް އުދައަރާފާނެ
މިއަދާއި މާދާމާ ވެސް ރާއްޖޭގެ ހުރިހައި ސަރަހައްދުތަކަށް އުދަ އަރާފާނެ ކަމަށް ލަފާކުރެވޭތީ ސަމާލުވުމަށް މެޓުން މިއަދު އިލްތިމާސްކޮށްފިއެވެ.
މެޓް އޮފީހުން ބުނީ ރާއްޖެއަށް މިހާރު ކުރަމުންދާ ވިއްސާރައިގައި ހުރިހައި އަތޮޅަކަށް ވެސް ވައިގަދަވުމުގެ ސަބަބުން އުދައެރުމުގެ ފުރުސަތު ބޮޑުކަމަށެވެ. އަދި ރާއްޖޭގައި އާންމުކޮށް އުދައަރާ ސަރަހައްދުތަކަށް އުދައިގެ އަސަރު ބޮޑަށް ކުރާނެ ކަމަށް ލަފާކުރެވޭ ކަމަށް މެޓުން ވިދާޅުވިއެވެ.
ހުޅަނގު މޫސުމުގެ ވިއްސާރަ މިހާރު ރާއްޖެއަށް ކުރަމުންދާއިރު މިއަދު ވަނީ ބޮޑު ސަރަހައްދަކަށް ހުދު ސަމާލު ވެސް ނެރެފައެވެ.
ހުދު ސަމާލު ނެރެފައި ވަނީ ހއ. އަތޮޅުން ފެށިގެން ތ. އަތޮޅާ ހަމައަށް މިއަދު 11:00އިން ފެށިގެން ހަވީރު 17:00އަށެވެ. މި ވަގުތުތަކުގައި ވާރޭ ވެހި، ގަޑިއަކު ގާތްގަޑަކަށް 50 މޭލަށް ވައި ގަދަވެ، ކަނޑުތައް ގަދަވާނެކަމަށް ލަފާކުރެވޭ ކަމަށް މެޓް އޮފީހުން ބުނެއެވެ.
