މިނިވަން ދުވަހު ފުޅަނދުބުރު ބާއްވަނީ
ތިން އަހަރުގެ މެދުކެނޑުމަކަށް ފަހު މިއަހަރުގެ މިނިވަން ދުވަހު ފުޅަނދުބުރު ބާއްވަން ނިންމައިފިއެވެ.
އެންމެ ފަހުން ފުޅަނދުބުރު ބާއްވައިފައި ވަނީ ރާއްޖޭގެ 54 ވަނަ މިނިވަން ދުވަހާ ގުޅުވައިގެން 2019ވަނަ އަހަރުއެވެ. ފުޅަނދުބުރު ބާއްވަން ނިންމައިފައިވާ ކަމަށް މިނިވަން ދުވަހުގެ ހަރަކާތްތައް އިންތިޒާމުކުރާ ހޯމް މިނިސްޓްރީން ބުނެއެވެ. ނަމަވެސް އިތުރު ތަފްސީލް ހިއްސާކޮށްފައެއް ނުވެއެވެ.
މާލޭގައި އެންމެ ފަހުން ފުޅަނދުބުރެއް ބޭއްވީ ރާއްޖޭގެ 54ވަނަ މިނިވަންދުވަހާ ދިމާކޮށް 2019ގައެވެ. އެ އަހަރު ވެސް ފުޅަނދުބުރު ބޭއްވީ ތިން އަހަރުގެ މެދުކެނޑުމަކަށް ފަހުގައެވެ. އެ އަހަރުގެ ފުޅަނދުބުރުގައި ސަރުކާރުގެ ފަސް ކުންފުންޏަކުން ބައިވެރިވިއެވެ.
ތަފާތު ތީމުތަކަކަށް ފުޅަނދުތައް ހަދައި، މާލޭގެ ބޮޑެތި މަގުތަކުގައި ބާއްވާ އެ ހަރަކާތުގައި އެ އަހަރު ވަނީ ކުޑަކުދިންނާ ގުޅޭ ކާޓޫން ކެރެކްޓާތަކާއި ޖަޒީރާ އަދި ދިވެހިވަންތަކަށް ފެންނަ ފުޅަނދުތައް ދައްކައިލައިފައެވެ.
Ads by STO
