ޢަދުލުވެރިކަމަކީ ސިޔާސީ މަންފާ ހޯދަން ދައްކަންޖެހޭ ވާހަކައަކަށް ވެގެންނުވާނެ: ޑރ.ޝަހީމް
ޢަދުލުވެރިކަމަކީ ސިޔާސީ މަންފާއަކަށްޓަކައި ދައްކަންޖެހޭ ވާހަކައަކަށް ވެގެންނުވާނެކަމަށް ކުރީގެ އިސްލާމިކް މިނިސްޓަރު ޑރ.މުޙައްމަދު ޝަހީމް ޢަލީ ސަޢީދު މިއަދު ވިދާޅުވެއްޖެއެވެ.
ޑރ.ޝަހީމް ކުރެއްވި ޓުވީޓެއްގައި ވިދާޅުވީ ޢަދުލުވެރިކަމަކީ ﷲ ގެ ޙަޟްރަތުގައި ވަރަށް ބޮޑުވެގެންވާކަމެއް ކަމަށެވެ. އަދި ޢަދުލުވެރިކަމުގެ ވާހަކައަކީ އެއްވެސް މީހަކު ސިޔާސީ މަންފާއެއް ހޯދަން ދައްކަންޖެހޭ ވާހަކައަކަށް ވެގެންނުވާނެކަމަށް ވެސް އެ މަނިކުފާނު ވިދާޅުވިއެވެ.
''ޢަދުލުވެރިކަމަކީ ﷲ ގެ ޙަޟްރަތުގައި ވަރަށް ބޮޑުކަމެއް. އެއީ ސިޔާސީ މަންފާއަކަށްޓަކައި ދައްކަންޖެހޭ މޫސުމީ ވާހަކައަކަށް ވެގެންނުވާނެ.''
ޙައްޤު ގޮތުގައި ޢަދުލުވެރިކަން ޤާއިމުކުރުމަކީ މުއްސަންޖެއް ފަޤީރެއް ނުވަތަ ތިމާގެ މީހާއާއި އެ ނޫން ވެސް މީހެއް ބެލުމެއްނެތި އިންސާފު ޤާއިމުކުރުންކަމަށް ވެސް ޑރ.ޝަހީމް ވިދާޅުވިއެވެ.
Ads by STO
