ޕާސްޕޯޓް ހަދައިދިނުމުގެ ޚިދުމަތް އަލުން ފަށައިފި
ދިމާވި ޓެކްނިކަލް މައްސަލަ ހައްލު ކުރުމަށްފަހު ޕާސްޕޯޓު ހަދައިދިނުމުގެ ޚިދުމަތް އަލުން ފަށައިފިއެވެ. މިއަދު ހެދުނުގެ ވަގުތެއްގައި މެދު ކެނޑުނު ޕާސްޕޯޓު ހެދުމުގެ ޚިދުމަތް އަލުން ފަށާފައިވަނީ މިއަދު ވަރަށް ހަވީރުގެ ވަގުތެއްގައެވެ.
ޕާސްޕޯޓު ޚިދުމަތް ދިނުން މެދެ ކެނޑެން މެދުވެރިވި ޓެކްނިކަލް މައްސަލައަކީ ކޮބައިކަން އިމިގްރޭޝަނުން ހާމަ ކޮށްފައި ނުވި ނަމަވެސް، އިމިގްރޭޝަނުންވަނީ، މި ޚިދުމަތް މެދު ކެނޑުމުގެ ސަބަބުން ރައްޔިތުންނަށް ކުރިމަތިވި ދަތިތަކަށް މާފަށް އެދިފައެވެ. އަދި ދެއްވި އެއްބާރުލުމަށް ޝުކުރު އަދާކޮށްފައެވެ.
ފާއިތިވެދިޔަ ޖުލައިމަސް ފާހަގަ ވެގެން ދިޔައީ ރެކޯޑް އަދަދަކަށް އިމިގްރޭޝަކުން ޕާސްޕޯޓުތައް ހަދާދފައިވާ މަހަކަށެވެ. މި ގޮތުން އެމަހުގައި އިމިގްރޭޝަނުންވަނީ އެއް ދުވަހެއްގައި 596 ޕާސްޕޯޓު ދޫކޮށްފައެވެ.
ޕާސްޕޯޓ ހެދުމަށްޓަކާ މިހާރު އެޕްލިކޭޝަން ފޯމުގެ އިތުރުން ހުރިހާ ލިޔެކިޔުމެއްވެސް ހުށަހަޅަން ޖެހެނީ އޮންލައިން، އިމިގްރޭޝަންގެ ޕޯޓަލް އިމުގާ މެދުވެރިކޮށެވެ.
