ފެމިލީ ކޯޓުގެ އިސް ގާޒީގެ މަޤާމަށް ކުރިމަތިލުމަށް ފުރުސަތު ހުޅުވާލައިފި

ފެމިލީ ކޯޓުގެ އިސް ގާޒީކަމަށް ކުރިމަތިލެއްވުމުގެ ފުރުސަތު ޖުޑީޝަލް ސަރވިސް ކޮމިޝަނުން މިއަދު ހުޅުވާލައިފިއެވެ.

Ads by STELCO

މި މަޤާމަށް ކުރިމަތިލެއްވޭނީ ފެމިލީ ކޯޓަށް ޢައްޔަންކުރެވި, އެ ކޯޓުގައި މަސައްކަތް ކުރަމުންގެންދާ ފަނޑިޔާރުންނަށެވެ.

މަޤާމަށް ކުރިމަތިލެއްވުމުގެ ސުންގަޑިއަކީ މި މަހުގެ 11 ވަނަ ދުވަހުގެ 14:00 ގެ ކުރިންނެވެ.

ފެމިލީ ކޯޓުގައި މިހާރު ތިއްބަވަނީ ހަތް ފަނޑިޔާރުންނެވެ.

ފެމިލީ ކޯޓުގެ އިސް ގާޒީކަމަށް ކުރިމަތިލެއްވުމުގެ ފުރުސަތު ހުޅުވާލައިފައި ވަނީ, އެ މަޤާމުގައި ހުންނެވި ހުޒައިފާ މުޙައްމަދު ހައިކޯޓުގެ ފަނޑިޔާރުކަމަށް އައްޔަންކުރުމާ ގުޅިގެންނެވެ. އޭނާ އެ މަޤާމަށް އައްޔަންކުރީ ޖޫން 27 ގައެވެ.