ކޮވިޑް-19: 33 އަހަރު އެކުގައި އުޅުނު ދެ މަފިރިން މަރުވީ އެކު އެކީ
ކައިވެންޏަށް 33 އަހަރު ވީ ދެމަފިރިއަކަށް ކޮވިޑް19 ޖެހިގެން އެކުއެކީގައިހެން މަރުވެއްޖެއެވެ. އެމެރިކާގެ ކެލިފޯނިއާގެ މި ދެމަފިރިންގެ މަރުގެ ތަފާތުގައި ވަނީ އެންމެ 11 ދުވަހެވެ.
ރިޕޯޓުތައް ބުނާ ގޮތުގައި މީގެ 33 އަހަރު ކުރިން މި ދެމީހުން ކައިވެނި ކުރުމުގެ ކުރިން، މި ދެމީހުންނަކީ އެންމެ ގާތް ރަހުމަތްތެރިންނެވެ.
މި ދެމަފިރިންގެ ދަރިފުޅު އެބޯނީ ހަންޓާ އޭބީސީ އަށް ދިން އިންޓަވިއުއެއްގައި ބުނި ގޮތުގައި އެންމެ ފަހުން ބައްޕައާ ދިމާވީ އެއް ދުވަހު ހެނދުނު ހޭލިއިރު ނޭވާ ނުލެވިގެން އުޅެނިކޮށް ކަމަށެވެ. އެހެންވެ އަވަހަށް ބައްޕަ އެމަޖެންސީ ރޫމަށް ގެންދިއުމަށް މަސައްކަތް ކުރިކަމަށާއި ނަމަވެސް އޭގެ ކުރިން ބައްޕަ ދުނިޔެ ދޫކުރި ކަމަށް އޭނާ ބުނެފައިވެއެވެ.
ޕޯސްޓުމޭން އެއްގެ ވަޒީފާ އަދާކުރަމުން އައި ކީތް ރޮބިންސަން މަރުވެފައިވަނީ، އޭނާގެ އަންހެނުން ކޮވިޑް19 ޖެހިގެން މަރުވިތާ 11 ދުވަސް ފަހުންނެވެ.
ދެމަފިރިން މަރުވިއިރު، ދުނިޔޭގައި 4 ދަރިންނާއި 10 މާމަ ދަރިން އެބަތިއްބެއެވެ.
