ގަވާއިދާ ހިލާފުވުމުން އިތުރު 15 ތަނެއް ބަންދުކޮށްފި

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އިއްޔެ ކުރިއަށްގެންދިޔަ އިންސްޕެކްޝަންތަކަށް ފަހު އުސޫލުތަކަށް ނުފެތޭ މާލޭގެ އިތުރު 15 ތަނެއް ބަންދުކޮށްފިއެވެ.

Ads by MWSC

އެޗްޕީއޭ އިން ބުނީ އިއްޔެ ޖުމްލަ 240 ތަނެއް އިންސްޕެކްޓް ކޮށްފައިވާ ކަމަށާއި އޭގެތެރެއިން ބަންދުކޮށްފައިވަނީ ހަ ސެލޫން އަކާއި، ހަތް ފިހާރައަކާއި، ދެ ކެފޭ/ރެސްޓޯރެންޓް ކަމަށެވެ.

އެޗްޕީއޭ އިން ކޮންމެ ދުވަހަކު ވެސް މި އިންސްޕެކްޝަން މިހާރު ކުރިއަށްގެންދާއިރު، މި އިންސްޕެކްޝަނުގެ ތެރެއިން ބަންދުކުރާ ތަންތަން އެޗްޕީއޭއިން ކަނޑައަޅާފައިވާ މިންގަނޑާއި އެއްގޮތަށް އިސްލާހުކޮށްފިނަމަ ހުޅުވަން ހުއްދަ ދޭން ވަނީ ނިންމާފައެވެ.

މިފަދަ އިންސްޕެކްޝަނެއް އެޗްޕީއޭ އިން ފަށާފައި މިވަނީ މާލެ ސަރަހައްދުގައި ކޮވިޑް-19 އަށް ޕޮޒިޓިވްވާ މީހުންގެ އަދަދު ބޮޑު ތަނުން އިތުރުވާން ފަށާފައިވާތީއެވެ.