މިއަހަރުގެ މިހާތަނަށް އެންމެ ގިނަ ފަތުރުވެރިން އައީ އިންޑިއާއިން!

ރާއްޖެއަށް އެންމެ ގިނަ ފަތުރުވެރިން މިދިޔަ މަހު ޒިޔާރަތްކޮށްފައި ވަނީ އިންޑިއާއިން ކަމަށް ތަފާސް ހިސާބުތަކުން ދައްކައިފިއެވެ.

Ads by Sosun Fihaara

އިމިގްރޭޝަންގެ ތަފާސް ހިސާބުތަކުން ދައްކާ ގޮތުގައި މިދިޔަ މަހު ރާއްޖެއަށް 126،953 ފަތުރުވެރިން ވަނީ އައިސްފައެވެ. މިއީ މިދިޔަ އަހަރުގެ އޮކްޓޯބަރު މަހާ އަޅައިބަލާއިރު 8.4 ޕަސެންޓްގެ ކުރި އެރުމެކެވެ.

މިހައިތަނަށް އެންމެ ގިނައިން ފަތުރުވެރިން ރާއްޖެ އައިސްފައި ވަނީ، އިންޑިއާއިންނެވެ. އެ ގައުމުން 186،388 ފަތުރުވެރިޔަކު އައިސްފައި ވެއެވެ. ރަޝިއާއިން 159،657 ފަތުރުވެރިޔަކު ރާއްޖެ އައިސްފައިވާއިރު އިނގިރޭސިވިލާތުން އައިސްފައި ވަނީ 144،566 ފަތުރުވެރިޔެކެވެ.

އިންޑިޔާއިން ރާއްޖެއަށް އަންނަ ފަތުރުވެރިންގެ ޢަދަދު އިތުރުވެފައިވާއިރު، 2019 ވަނަ އަހަރު ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރީ ޗައިނާއިންނެވެ.