ހެކި ނެތިގެން ޝިފާގެ މައްސަލަ ކުރިޔަށް ނުގެންދާގޮތަށް ނިންމައިފި
ޖިނާއީ ދައުވާއެއް ކުރެވޭވަރަށް ހެކި ނެތުމުން، ފިލްމީ ތަރި މަރިޔަމް ޝިފާގެ މައްސަލަ ފުލުހުން ފައިލްކޮށްފިއެވެ.
ފުލުހުން ވިދާޅުވީ މިއަހަރު ޖޫން މަހުގެ ތެރޭގައި ސޯޝަލް މީޑިއާ ގައި ދައުރުވި ދެ އަންހެނެއްގެ ބަރަހަނާ މަންޒަރު ހިމެނޭ ވީޑިއޯގެ މައްސަލައިގެ ތަހުގީގު ނިންމައި ޕީޖީގެ މަޝްވަރާއަށް ފޮނުވުމުން އެ މައްސަލައިގައި ޖިނާއީ ދައުވާ ކުރެވޭ ވަރަށް ހެކި ނެތް ކަމަށް ޕީޖީ އޮފީހުން ނިންމާފައިވާ ކަމަށެވެ.
މިއާއެކު އެ މައްސަލަ ފައިލްކޮށްފައިވާ ކަމަށް ފުލުހުން ވިދާޅުވިއެވެ.
ޝިފާ އިތުރު އަންހެނަކާއި އެކު އެއްޖިންސުން ގުޅުން ހިންގާ ކަމަށް ބުނާ ވީޑިއޯތަކެއް ޖޫން 6 ވަނަ ދުވަހު މީސްމީޑިޔާގައި ވަނީ އާންމުވެފައެވެ. އެމައްސަލައިގައި ޝިފާ މަސައްކަތް ކުރަމުން ދިޔަ ނަށާ ގްރޫޕުން ވެސް އޭނާ ވަނީ ވަކިކޮށްފައެވެ.
އެ ވީޑިއޯއާ ގުޅޭ ގޮތުން ޝިފާ ބުނަމުން އައީ އެ ވީޑިޔޯއަކީ އޭނަ ބަދުނާމް ކުރުމުގެ ގޮތުން ގިނަ ބަޔަކު އަޑީގައި ތިބެގެން ކުރި ކަމެއް ކަމަށާއި އެއީ އޭނާ ކުރި ކަމެއް ނޫން ކަމަށެވެ. އަދި އޭނާގެ ސިޔާސީ ފިކުރު ބަދަލުވެފައިވާތީ އަގު ވައްޓާލަން ދުރާލާ ރާވައިގެން ހެދި ޒާތީ އެއްޗެއް ކަމަށްވެސް ޝިފާ ވަނީ ބުނެފައެވެ.
ސިޔާސީ ފިކުރޭ! ކަލޭ ސީލާފަ އޭގަ ދަނޑިންތަޅާބަލަ! އޭރުން ގަޔަށް ތިކިބުރާނެ އޭގެއިން ވަސްވެސް ދުވާނެ! ލަދުކުޑަ!