ރާއްޖޭގައި ފުރަތަމަ ފަހަރަށް ކޮވިޑް-19 އަށް މީހަކު ޓެސްޓްކޮށްފި، ނަތީޖާ ނެގަޓިވް

ދުނިޔޭގައި ފެތެރެމުންދާ ކޮރޯނާ ވައިރަސް(ކޮވިޑް-19) އަށް ފުރަތަމަ ފަހަރަށް ރާއްޖޭގައި މީހަކު ޓެސްޓްކޮށްފި އެވެ.

Ads by STELCO

މިނިސްޓްރީއިން ބުނީ އައިޖީއެމްއެޗްގައި ނިއުމޯނިއާއަށް ފަރުވާދެމުންދާ މީހަކު ކޮވިޑް-19 އަށް ޓެސްޓް ކުރެވިފައިވާ ކަމަށާއި އެމީހާގެ ނަތީޖާ ކޮވިޑް-19 ވައިރަހަށް ނެގަޓިވް ކަމަށެވެ.

އެ މިނިސްޓްރީން ބުނީ ނިއުމޯނިއާ އާއި އަރިދަފުސް ރޯގާ ޖެހި ސީރިއަސް ހާލަތަކަށްދާ މީހުން ކޮވިޑް-19 އަށް ޓެސްޓް ކުރަން ފަށާފައިވާ ކަމަށެވެ.

ހެލްތު މިނިސްޓްރީ އިތުރަށް ބުނެފައި ވަނީ ކޮންމެ ވަގުތެއްގައިވެސް ވައިރަސް ރާއްޖެ އަތުވެދާނެ ކަމަށް ބަލައި، އަޅަން ޖެހޭ ފިޔަވަޅުތައް ދެނެގަނެ، އެފަދަ ހާލަތެއް އައިސްދާނެ ކަމަށް ތައްޔާރީތައް ވަމުން އަންނަ ކަމަށެވެ.