ވެރިކަމުގައި ތިބޭއިރު، މުޒާހަރާ ކުރަންޖެހޭ ސަބަބެއް ނެތް: ރައީސް ޞާލިޙު
ވެރިކަމުގައި ތިބޭއިރު، މުޒާހަރާ ކުރަަަަަަަަަަަަަން ނުޖެހޭނެ ކަމަށް ރައީސް އިބްރާހީމް މުޙައްމަދު ޞާލިޙު ވިދާޅުވެއްޖެއެވެ.
މި މަހުގެ 28 ވަނަ ދުވަހު ބޭއްވުމަށް ހަމަޖެހިފައިވާ އެމްޑީޕީގެ ރިޔާސީ ޕްރައިމަރީގައި ވާދަކުރައްވާ ރައީސް ޞާލިޙު މި ފަދައިން ވިދާޅުވެފައިވަނީ އެމަނިކުފާނުގެ ކެމްޕެއިންގެ މާލޭ ދާއިރާގެ ބައިވެރިންނާ ބައްދަލު ކުރައްވައި، ރޭ ދެއްކެވި ވާހަކަފުޅުގައެވެ.
ރިޔާސީ ޕްރައިމަރީގައި އެމަނިކުފާނުގެ ވާދަވެރިޔާ، އެމްޑީޕީގެ ރައީސް މުޙަައްމަދު ނަޝީދުގެ ވެރިކަމުގައި އެ ޕާޓީން މަގުމައްޗަށް ނުުކުމެ މުޒާހަރާ ކުރި ކުރުމަށް އިޝާރާތް ކުރައްވައި ރައީސް ވިދާޅުވެފައިވަނީ އެއީ އެކަން ކުރަން ޖެހޭ ގޮތް ކަމަށް ފެނިވަޑައިނުގަންނަވާ ކަމަށާއި، ކޮންމެ ކަމެއްގައިވެސް އުސޫލެއް އޮންނަން ޖެހޭނެ ކަމަށެވެ.
"މުޒާހަރާ ކުރަން ޖެހޭނެ، އިހްތިޖާޖުވެސް ކުރަން ޖެހޭނެ، ފެންނަ ގޮތް ހާމަވެސް ކުރަން ޖެހޭނެ. އެހެންނަމަވެސް، އަޅުގަނޑުމެންގެ އެ ދުވަހުގެ ޙާލަތު، ވެރިކަމުގައި ތިބިއިރުވެސް، އިދިކޮޅުގައި ތިބިއިރުވެސް މުޒާހަރާ. ކޮންމެވެސް ހަމައެއް އޮންނަން ޖެހޭނެ ނޫންތޯ؟ ކޮންމެވެސް އުސޫލެއް އޮންނަންވާނެ. އަޅުގަނޑަކަށް ނުފެނޭ، އަޅުގަނޑުމެން ވެރިކަމުގަ ތިބެގެން މުޒާހަރާ ކުރަން ޖެހޭ ސަބަބެއް."
ރައީސް ވިދާޅުވީ 2012 ވަނަ އަހަރުން ފެށިގެން، 2018 ވަނަ އަހަަރަށް އެމްޑީޕީ އޮތީ ވަނީ މަގުމަތިވެފައި ކަަމަށާއި، މި ފަހަރުގެ ޕްރައިމަރީގައި އެމްޑީޕީގެ މެމްބަރުން ނިންމަންވީ، އެކަން ތަކުރާރު ކުރަން ބޭނުންތޯ ނުވަތަ ނޫންތޯ ކަމަށެވެ.
ރައީސް ޞާލިޙު ވަނީ އަބަދު މުޒާހަރާކޮށް، މަގުމަތީގައި ނޫޅެ، އާއިލާއާއެކުގައި ވަގުތު ހޭދަކޮށް، ހަަމަޖެހޭ ދިރިއުޅުމެއް އުޅެން ބޭނުންނަމަ، ވޯޓު ދޭންވީ އެމަނިކުފާނަށް ކަމަށެވެ.
ރައީސްގެ ވާހަކަފުޅުގައި، ވެރިކަމުގެ ފަސް އަހަރުގެ ތެރޭގައި، ބޯހިޔާވަހިކަމުގެ އެންމެ ބޮޑު މަޝްރޫޫޢުއެއް ހިންގާނީ އެމަނިކުފާނުގެ ސަރުކާރުން ކަމަށް ވިދާޅުވެ، މިހާރުވެސް 16،000 ހައުސން ޔުނިޓްގެ މަސައްކަތް ކުރިއަށްދާ ކަމަށް ވިދާޅުވިއެވެ.
ކުރިން ވެރިކަމުގަ ތިބިއިރު މުޒާހަރާ ކުރީމެއްނު ”ހިޔަޅާ” ހާދަހާ ތަނެއްދޮރެއް ނޭންގެޔޭ؟ހަނދާން ނެތުނީތަ؟ޕިޗޯރު ތިޔަވީ ގަރަހިތައަކަށް.