މިއަދު ކޮންމެ ބޭފުޅަކު މޮޅުވިޔަސް، ރިޔާސީ އިންތިޚާބު ކާމިޔާބު ކުރައްވާނީ ރައީސް ޔާމީން: އާދަމް ޝަރީފު
މިހާރު ކުރިއަށްދާ އެމްޑީޕީގެ ރިޔާސީ ޕްރައިމަރީގައި ކޮންމެ ކެންޑިޑޭޓެއް އިންތިޚާބު ކާމިޔާބު ކުރެއްވިޔަސް، އިދިކޮޅުން މި އަހަރުގެ ރިޔާސީ އިންތިޚާބު ކާމިޔާބު ކުރާނެ ކަމަށް ޕީއެންސީގެ ނައިބު ރައީސް އާދަމް ޝަރީފު އުމަރު ވިދާޅުވެއްޖެއެވެ.
އޭނާ މިއަދު ކުރެއްވި ޓްވީޓެއްގައި ވިދާޅުވީ، މިއަދުގެ އިންތިޚާބުގައި ރައީސް އިބްރާހީމް މުޙައްމަދު ޞާލިޙު، ނުވަތަ ރައީސް ނަޝީދު ކާމިޔާބު ކުރެއްވިޔަސް، އިދިކޮޅު ލީޑަރު ރައީސް ޔާމީން ފަސޭހަކަމާއެކު ރިޔާސީ ރޭސް ކާމިޔާބު ކުރައްވާނެ ކަމަށެވެ. ނަމަވެސް މިއަދުގެ ނަތީޖާ ނުކުންނަ ގޮތުން، ރިޔާސީ އިންތިޚާބަށް އިދިކޮޅުން ގެންގުޅޭ ސްޓްރެޓެޖީ ބަދަލުވެގެންދާނެ ކަމަށްވެސް އޭނާ ވިދާޅުވިއެވެ.
އެމްޑީޕީގެ ރިޔާސީ ޕްރައިމަރީގެ ވޯޓުލުން ފެށިގެން ކުރިއަށްދާއިރު، އިންތިޚާބުގައި ވާދަކުރައްވާ ދެ ކެންޑިޑޭޓުން ވަނީ ވޯޓު ލައްވައިފައެވެ. މި އިންތިޚާބުގައި 57،000އަށްވުރެ ގިނަ އެމްޑީޕީގެ މެމްބަރުން ވޯޓު ލާނެއެވެ. ވޯޓު ލެއްވުމަށްފަހު، ރައީސް ޞާލިޙު ނޫސްވެރިންނާ ބައްދަލު ކުރައްވައި ވިދާޅުވީ، ބޮޑު ތަފާތަކުން އެ މަނިކުފާނު ޕްރައިމަރީ ކާމިޔާބު ކުރައްވާނެ ކަމަށާއި، އިންތިޚާބުގެ ނަތީޖާއާމެދުގައި ސުވާލެއް އުފެއްދޭނެ އެއްވެސް ޖާގައެއް ނެތް ކަމަށެވެ.
ޖަލުގަ އޮވެގެން؟