ކަމެއްގައި ފެއިލް ވުމަކީ އަދި ނިމުމެއް ނޫން: ޑރ.ޝަހީމް
ކަމެއް ފެއިލްވުމަކީ އެކަމެއް ނިމުމެއް ނޫން ކަމަށް ކުރީގެ އިސްލާމިކް މިނިސްޓަރު ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ޑރ.ޝަހީމް ކުރެއްވި ޓްވީޓެއްގައި ވިދާޅުވީ ކަމެއް ފެއިލްވުމަކީ އެ ކަމެއް ނިމުމެއް ނޫން ކަމަށާއި، މިހާރު ތިބި ހިސާބަށް ވާސިލް ނުވެވޭނެ ކަމަށެވެ.
އެ މަނިކުފާނު ވަނީ ކާމިޔާބަށް ވާސިލްވުމުގައި ހިތްވަރާއި އަޒުމުގެ ހަރުފަތްތައް ގިރާކުރަންޖެހޭ ކަަމަށް ވިދާޅުވެ، މާތް ރަސްކަލާނގެއަށް އިތުބާރު ކުރާ މީހާއަށް ދެރަ ނިމުމެއް ނާންނާނެކަންވެސް ފާހަގަކުރައްވައިފައެވެ.
ޑރ.ޝަހީމް މިހެން ވިދާޅުވީ، އެމްޑީޕީން ބޭއްވި ޕްރައިމަރީގައި، އެ ޕާޓީގެ ރައީސް މުޙައްމަދު ނަޝީދަށް ލިބިވަޑައިގެންނެވި ނާކާމިޔާބީއާ ގުޅިގެން ކަމަށް ބެލެވެއެވެ. އިންތިޚާބު ކާމިޔާބު ކުރެއްވީ އެމްޑީޕީގެ އިސް ލީޑަރު ރައީސް އިބްރާހީމް މުޙައްމަދު ޞާލިޙެވެ.
ސާޅީސްހާހަށްްވުރެ ގިނަ އެމްޑީޕީ މެމްބަރުން މި އިންތިޚާބުގައި ވޯޓުލިއިރު، އޭގެތެރެއިން 61 އިންސައްތަ މީހުންގެ ވޯޓު ރައީސް ޞާލިހު ހޯއްދެވިއެވެ. ވަގުތީ ނަތީޖާ ދައްކާގޮތުން ރައީސް ޞާލިޙަށް، 24،000 އަށްވުރެ ގިނަ ވޯޓު ލިބިވަޑައިގެންނެވިއެވެ. އެމަނިކުފާނާ ދެކޮޅަށް ނުކުމެވަޑައިގަތް، އެމްޑީޕީގެ ރައީސް، ރައީސް މުހައްމަދު ނަޝީދަށް ލިބިވަޑައިގެންނެވީ 15،000 އެއްހައި ވޯޓެވެ.
ރަނގަޅަށް ތި ބުނީ! އަހެރެން މި ބަލަނީ ލާދީނީ ފިކުރުގެ ބައިގަނޑު ބަލިވުމުން އެއަށްވުރެ ގަދަޔަށް ތެދުވާނެ ކަމަށް! ތިޔަ ދެއްވި ހިތްވަރަށް ހަމަ ސާބަސް!