ޒަކާތުގެ ނިޞާބު މަތިކޮށްފި
މުދަލު ޒަކާތުގެ ނިސާބުހަމަވާ މިންވަރު މަތިކޮށްފިއެވެ.
އިސްލާމިކް މިނިސްޓްރީ ކޮށްފައިވާ އިއުލާނެއްގައި ބުނެފައިވާގޮތުގައި އިއްޔެއިން ފެށިގެން ދިވެހިރާއްޖޭގައި ފައިސާއިން މުދަލު ޒަކާތް ނެރުން ވާޖިބުވާ ނިޞާބަކީ 7062.65 (ހަތް ހާސް ފަސްދޮޅަސް ދެ ރުފިޔާ ފަސްދޮޅަސް ފަސް ލާރި) އެވެ.
"މުދަލު ޒަކާތުގެ ނިޞާބު ކަނޑައެޅުމުގައި މިމިނިސްޓްރީން އަމަލުކުރަމުން ދާ އުސޫލުގެ ދަށުން 30 ޖަނަވަރީ 2023 (8 ރަޖަބް 1444) އިންފެށިގެން ދިވެހިރާއްޖޭގައި ފައިސާއިން މުދަލު ޒަކާތް ނެރުން ވާޖިބުވާ ނިޞާބަކީ 7062.65 (ހަތްހާސް ފަސްދޮޅަސް ދެ ރުފިޔާ ފަސްދޮޅަސް ފަސް ލާރި) ކަމުގައި ކަނޑައަޅައިފީމެވެ" އިސްލާމިކް މިނިސްޓްރީގެ އިއުލާނުގައި ބުނެފައިވެއެވެ.
މުދަލު ޒަކާތަކީ އިސްލާމްދީނުގެ ރުކުނަކަށް ވީ ހިނދު، އެމީހެއްގެ މިލްކިއްޔާތުގައި ނިޞާބު ހަމަވާ މިންވަރަށް ފައިސާ ހުރެ، އެ ފައިސާ ހުންނަތާ ހިޖްރީ އެއް އަހަރު ވުމުން، ޝަރުއީ ހަމަތަކާ އެއްގޮތަށް އޭގެ ސާޅީސްބައި ކުޅަ އެއްބައި (2.5%) ނެރުމަށް އިސްލާމިކް މިނިސްޓްރީގެ އިއުލާނުގައި ވަނީ ނަސޭހަތްތެރި ވެފައެވެ.
