އިބްރޭ ވިދާޅުވަނީ އެމްޑީޕީގެ ރިޔާސީ ކެންޑިޑޭޓު ބަދަލު ނުކުރެވޭނެ ކަމަށް
އެމްޑީޕީގެ ރައީސް މުޙައްމަދު ނަޝީދު "ފިކުރެއްްގެ ދިރުން"ގެ ނަމުގައި ފުރަމުންދާ ފޯމުތައް ފުރާ، ހުށަހެޅި ނަމަވެސް ޕާޓީގެ ރިޔާސީ ކެންޑިޑޭޓް ބަދަލުނުކުރެވޭނެ ކަމަށް އެ ޕާޓީގެ ޗެއާޕާސަންގެ ނައިބު އިބްރާހިމް ވަހީދު (އިބުރޭ) ވިދާޅުވެއްޖެއެވެ.
އޭނާ މިފަދައިން ވިދާޅުވެފައި ވަނީ، އެމްޑީޕީގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން އިބުރޭ ވިދާޅުވީ އަސާސީ ޤަވައިދުގައިވާ ގޮތުން ރިޔަސީ ކެންޑިޑޭޓެއް ކަނޑައެޅުމަށްފަހު ބަދަލު ކުރެވޭނެ ހާލަތެއް ނެތް ކަމަށެވެ. ނަމަވެސް ކެންޑިޑޭޓް، ރިޔާސީ ޓިކެޓް ދޫކޮށްލައިފިނަމަ އެ ހާލަތުގައި ކެންޑިޑޭޓް ބަދަލުކުރެވޭނެ ކަމަށްވެސް އިބުރޭ ވިދާޅުވިއެވެ.
"އެމްޑީޕީގެ އަސާސީ ޤަވައިދުގައި ކެންޑިޑޭޓް ބަދަލުކުރެވޭނެ ގޮތެއް ނެތް،" އިބުރޭ ވިދާޅުވިއެވެ.
ރައީސް އިބްރާހީމް މުޙައްމަދު ޞާލިޙު އެމްޑީޕީގެ ޕްރައިމަރީ ކާމިޔާބު ކުރެއްވީ ވޯޓުލީ މީހުންގެ ތެރެއިން 24،572 ވޯޓު ހޯއްދަވައިގެންނެވެ. އެ މަނިކުފާނުގެ ވާދަވެރި ކެންޑިޑޭޓް އަދި އެމްޑީޕީގެ ރައީސް މުޙައްމަދު ނަޝީދަށް ލިބިވަޑައިގަތީ 15،631 ވޯޓެވެ.
މިއީ 39 އިންސައްތައެވެ. ލިިިބިވަޑައިގެންނެވި ނާކާމިޔާބީއަށްފަހުގައި، ރައީސް ނަޝީދު މިހާރު މަސައްކަތް ކުރައްވަމުން ގެންދަވަނީ "ފިކުރެއްގެ ދިރުން" ގޮފިތަކަށް މެމްބަރުން އިތުރު ކުރެއްވުމަށެވެ.
ނަޝީދަށް ތާއީދު ކުރާ ފަރާތްތަކުން، ގޮފި ރަޖިސްޓްރީ ކުރުމަށް ފޯމް ފުރަން ފަށައިފައިވާއިރު، އެންމެ ފުރަތަމަ ފޯމު ފުރްވި ފަރާތްތަކުގެ ތެރޭގައި، ނަޝީދުގެ އަރިސް ބޭފުޅެއް ކަމުގައިވާ، ރައްޔިތުންގެ މަޖިލިހުގެ ނާއިބު ރައީސާ އީވާ އަބުދުﷲގެ އިތުރުން އެހެން ބައެއް މެމްބަރުންވެސް ހިމެނެއެވެ.
