ހިނގަމުން މި ދަނީ ވައްކަމާ ކޮރަޕްޝަނަށް ޖާގަ ދޭ ދައުރެއް: އިންތި
މި ހިނގާ ވެރިކަމުގެ ދައުރަކީ ވައްކަމާ ކޮރަޕްޝަނަށް ޖާގަ ދިން ދައުރެއްގެ ގޮތުގައި ރައްޔިތުންގެ މަޖިލީހުގެ މާފަންނު ދާއިރާގެ މެމްބަރު އިމްތިޔާޒު ފަހުމީ (އިންތި) ވިދާޅުވެއްޖެއެވެ.
މި އަހަރަށް ރައްޔިތުންގެ މަޖިލިސް ހުޅުވައިދެއްވައި، ރައީސް އިބްރާހީމް މުޙައްމަދު ޞާލިޙު އިއްޔެ ދެއްވި ދައުރުގެ ފަހު ރިޔާސީ ބަޔާނާ ގުޅޭގޮތުން އިންތި ވިދާޅުވީ އެއް ދައުރު ނިމެންދެން ރައީސް އުޅުއްވީ ސްޕީީޗް ލިޔުއްވުމުގައި ކަމަށެވެ. އަދި އިތުރު ދައުރެއް އަތުޖެހިއްޖެ ނަމަ ވާނެ ގޮތެއް ދެނެވޮޑިވަގަންނަވާނީ މާތް ރަސްކަލާނގެ ކަމަށްވެސް ވިދާޅުވިއެވެ.
"ފަސް އަހަރު ދުއްވާލީ ވައްކަމާއި ކޮރަޕްޝަން ނުބެލި. އަދި ވައްކަމާއި ކޮރަޕްޝަން ހިންގައި އަދި އެކަމަށް ޖާގަ ދިން ދައުރެއްގެ ގޮތުގައި." އިންތި ވިދާޅުވިއެވެ.
އެމްޑީޕީ ދެ ފެކްޝަނަކަށް ބެހިފައިވާއިރު، އެ ޕާޓީގެ ރައީސް މުޙައްމަދު ނަޝީދުގެ ފެކްޝަނުން އެންމެ ބޮޑަށް ފާހަގަކުރައްވާ އެއް ކަމަކީ، ރައީސް ޞާލިޙުގެ ސަރުކާރުން، ކޮރަޕްޝަން ބެލުމަށް ވަޢުދުވެ، އެކަން ފުއްދަވަމުން ނުގެންދިޔުމެވެ.
Ads by STO
