ރައީީސް ފެކްޝަނުން ޤާސިމާ ބައްދަލުކުރައްވައިފި
ރައީސުލްޖުމުހޫރިއްޔާ އިބްރާހީމް މުޙައްމަދު ޞާލިޙުގެ ފެކްޝަނުގެ އިސް ދެ ބޭފުޅަކު، ޖުމްހޫރީ ޕާޓީ (ޖޭޕީ)ގެ ލީޑަރު ޤާސިމް އިބްރާހިމާ ބައްދަލު ކުރައްވައިފިއެވެ.
ސަން އައިލެންޑް ރިސޯޓުގައި ރޭ ކުރިއަށް ގެންދިޔަ މި ބައްދަލުވުމުގައި ބައިވެރިވެވަޑައިގެންފައި ވަނީ، އެމްޑީޕީގެ ޕާލިމެންޓްރީ ގުރޫޕްގެ ލީޑަރު އަދި ހިތަދޫ އުތުރު ދާއިރާގެ މެމްބަރު މުޙައްމަދު އަސްލަމާއި ހުޅުމާލެ ދާއިރާގެ މެމްބަރު އަދި އަލީ ނިޔާޒެވެ.
މި ބައްދަލުވުމުގެ ފޮޓޯއެއް ސޯޝަލް މީޑިއާގައި ދައުރުވަމުން އަންނައިރު، މަޢުލޫމާތު ލިބޭ ގޮތުގައި، މި ބައްދަލު ކުރެއްވުމުގައި އެބޭފުޅުން ވަނީ މި އަހަރުގެ ރިޔާސީ އިންތިޚާބަށް ކޯލިޝަން ހެދުމުގެ މަޝްވަރާތައް ކުރައްވައިފައެވެ.
މި އަހަރުގެ ރިޔާސީ އިންތިޚާބުގައި ވަކި ލީޑަރަކަށް ތާއީދު ކުރަން ޖޭޕީން އަދި ނިންމައިފައިނުވާއިރު، ކޯލިޝަންގެ ބައިވެރިންގެ ތާއީދު އެ މަނިކުފާނަށް ލިބިވަޑައިގަންނަވާނެ ކަމަށް ރައީސް ޞާލިޙު މީގެ ކުރިން ވަނީ ވިދާޅުވެފައެވެ.
އެމްޑީޕީއަށް ކޯލިޝަން ހެދުމުގެ ބާރު ލިބިވަޑައިގަންނަވާނީ، އެ ޕާޓީގެ ރިޔާސީ ކެންޑިޑޭޓަށް ކަމަށް، އެމްޑީޕީގެ ޤައުމީ މަޖިލީހުން ވަނީ ކަނޑައަޅައިފައެވެ.
