ޖޭޕީ ކޮންފަރެންސް: މަޤާމުތަކަށް މީހުން ހޮވުމަށް ވޯޓުލުން މިއަދު
ޖުމްހޫރީ ޕާޓީގެ ޤައުމީ ކޮންފަރެންސްގައި މަޤާތަކަށް ބޭފުޅުން އިންތިޚާބު ކުރުމުގެ ވޯޓާ ގުޅޭ ބައެއް ކަންބޮޑުވުން ތަކާއިއެކު ވޯޓުލުމުގެ ކަންކަން ފަސްކޮށްފިއެވެ.
މަޤާމްތަކަށް ބޭފުޅުން އިންތިހާބުކުރުން ރޭ ކުރިއަށް ގެންގޮސް ނިންމާލުމަށްފަހު، ރޭ ނަތީޖާ އިއުލާނުކުރުމަށް ނިންމާފައިވީ ނަމަވެސް މިހާރުވަނީ އެޖެންޑާއަށް ބަދަލު ގެނެސް މިއަދު ވޯޓްލުމުގެ ކަންކަން ކުރިއަށް ގެންދިއުމަށް ނިންމާފައެވެ.
ރޭ ކަންބޮޑުވުންތައް އުފެދުނީ ވޯޓްލުމުގެ ބައެއް އިންތިޒާމުތައް ހަމަޖައްސާފައި ހުރިގޮތުންނެވެ.
Ads by Hajj Corporation
އެގޮތުން މަޤާމްތަކަށް ގިނަ އަދަދެއްގެ މީހުން ކުރިމަތިލައްވާފައިވާއިރު، ވޯޓި ކަރުދާހުގައި ފޮޓޯ ޖަހާފައި ނެތުމުގެ ޝަކުވާ ބައެއް ކެންޑިޑޭޓުން ޝަކުވާ ކުރިއެވެ.
ޖޭޕީގެ ޤައުމީ ކޮންފަރެންސްގައި އެ ޕާޓީގެ ލީޑަރު، ޕާޓީގެ ޑެޕިއުޓީ ލީޑަރުން، ޒުވާނުންގެ ލީގުގެ ރައީސް، ޒުވާނުންގެ ލީގުގެ ނައިބު ރައީސް، ޒުވާނުންގެ ލީގުގެ ސެކްރެޓަރީ، ޒުވާނުންގެ ލީގުގެ މެމްބަރުން، އަންހެނުންގެ ލީގުގެ ރައީސް، އަންހެނުންގެ ލީގުގެ ނައިބު ރައީސް، އަންހެނުންގެ ލީގުގެ ސެކްރެޓަރީގެ އިތުރުން އަންހެނުންގެ ލީގުގެ މެމްބަރުން، އަދި ޤައުމީ ކޮންފަރެންސްއިން 25 މެމްބަރުން އިންތިޚާބު ކުރުމަށް ވަނީ ހަމަޖެހިފައެވެ.
ޖުމްހޫރީ ޕާޓީގެ ގައުމީ ކޮންފަރެންސް، މިރޭ ނިންމައިލާނެއެވެ.
Ads by HDC
