ރުކަކުން ޖެހި މީހަކު ނިޔާވެއްޖެ، 2 މީހެއްގެ ހާލު ސީރިއަސް
ތ. ބުރުނީގައި ގޮނޑުދޮށް ހިމާޔަތް ކުރުމުގެ މަޝްރޫއުގެ މަސައްކަތުގެ ތެރެއިން އެކްސްކަވޭޓަރަކުން ރުއްތަކެއް ނެގުމުގެ ތެރެއިން، ވެއްޓުނު ރުކަކުން ޖެހި އެކަކު މަރުވެ އިތުރު ތިން މީހަކަށް ބޮޑެތި އަނިޔާތަކެއް ލިބިއްޖެއެވެ.
Ads by MWSC
ފުލުހުން ވިދާޅުވީ މި ހާދިސާގެ މައުލޫމާތު ފުލުހުންނަށް ލިބުނީ މިއަދު ހަވީރު 16:44 އެހާކަށް ހާއިރު ކަމަށެވެ. އަދި އަނިޔާވި މީހުންނަށް ބުރުނީގެ ސިއްހީ މަރުކަޒުން ފަރުވާ ދިނުމަށްފަހު ދ.ކުޑަހުވަދޫ ގައި ހުންނަ ދ.އަތޮޅު ހޮސްޕިޓަލަށް ފޮނުވާފައިވާ ކަމަށް ފުލުހުން ވިދާޅުވިއެވެ.
މިހާދިސާގައި އެކަކު ނިޔާވެފައިވާއިރު އަނިޔާވެ އަނެއް 3 މީހުންތެރެއިން ދެމީހެއްގެ ހާލު ސީރިއަސްކަމަށް ފުލުހުން ވިދާޅުވިއެވެ.
އަދި ނިޔާވި މީހާގެ ހަށިގަނޑާއި އަނިޔާވި 3 މީހުންވެސް މިހާރު މާލެ ގެނައުމުގެ މަސައްކަތް ކުރަމުންދާކަމަށް ފުލުހުން މައުލޫމާތު ދެއެވެ.
Ads by STO
