ހައިޑްރޯގްރެފިކް ސާވޭ: ބައެއް ސަރަހައްދުތަކުގައި އުދަ އަންދާޒާ ކުރެވޭނެ
އިންޑިއަން ނޭވީ އާއި އެމްއެންޑީއެފް ގުޅިގެން ކުރިއަށް ގެންދިޔަ ތިން ވަނަ ޖޮއިންޓް ހައިޑްރޯގްރެފިކް ސާވޭގައި ބައެއް ސަރަހައްދުތަކުގައި އުދަ އަންދާޒާ ކުރެވޭނެކަމަށް އޮބްޒަވޭޝަން ތަކުން ދައްކާފައިވާކަމަށް އިންޑިއަން ހައިކޮމިޝަނުން ބުނެފިއެވެ.
އިންޑިއަން ނޭވަލް ޝިޕް އިންވެސްޓިގޭޓާ އިން ހައިޑްރޯގްރެފިކް ސާވޭގެ ތިން ވަނަ ބުރު ކުރިއަށް ގެންގޮސްފައިވަނީ ޖެނުއަރީ 19 އިން ފެބްރުއަރީ 26 ގެ ނިޔަލަށެވެ. އަދި މިމުއްދަތުގައި ދިވެހި ސަރުކާރުގެ އެދުމުގެ މަތިން ހއ. އާއި ހދ. އާއި ގައްލަންދު ކަނޑު ހިމެނޭ ގޮތަށް އުތުރުގެ ސަރަހައްދު ސާވޭ ކޮށްފައިވާ ކަމަށް އިންޑިއަން ހައިކޮމިޝަނުން ނެރެފައިވާ ބަޔާނެއްގައި ބުނެފައެވެ.
އިންޑިއަން ހައި ކޮމިޝަނުން އިތުރަށް ބުނީ މި ސާވޭގައި އެ ސާވޭގައި އެ އަތޮޅުތަކުގެ 6،308 ކިލޯމީޓަރުގެ ސައުންޑިން ކަށަވަރު ކޮށްފައިވާ ކަމަށާ އެ ސައުންޑިން ލައިންތަކުން 2،630 އަކަ ކިލޯމީޓަރުގެ ސާވޭއެއް ކޮށްފައިވާ ކަމަށެވެ.
ދެހާސް ހަތްވަނަ އަހަރުން ފެށިގެން އިންޑިއާގެ ނޭޝަނަލް ހައިޑްރޯގްރެފިކް އޮފީހާ ގުޅިގެން ރާއްޖޭގައި ކުރަމުންދާ ހައިޑްރޮގްރެފިކް ސާވޭއަކީ ދިވެހިރާއްޖޭގައި ނިޔަމި ކަމަށް ބޭނުން ކުރަމުން އަންނަ ކަރުދާސް ޗާޓާއި، ޖީޕީއެސް އަދި އެކްޑިސްގައި ބޭނުން ކުރެވޭ އިލެކްޓްރޯނިކް ޗާޓުތައް އަޕްޑޭޓް ކުރުމާއި، އެންކަރޭޖު އަދި އެޕްރޯޗް ޗާޓް ހެދުމަށްޓަކައި ކުރެވޭ ސާވޭއެކެވެ.
މި ސާވޭގެ ދަށުން ރާއްޖޭގައި ނިޔަމިކަމަށް ބޭނުންކުރަމުން އަންނަ ކަރުދާސް ޗާޓާއި، ޖީޕީއެސް އަދި އެކްޑިސްގައި ބޭނުންކުރެވޭ އިލެކްޓްރޯނިކް ޗާޓުތައް އަޕްޑޭޓްކުރުމާއި، އެންކަރޭޖް އަދި އެޕްރޯޗް ޗާޓް ހަދާނެ ކަމަށް ވެސް އެމްއެންޑީއެފްއިން ވަނީ މީގެ ކުރިން ބުނެފައެވެ.
Ads by STO
