މި ރޯދަ މަހުގެ ފުރަތަމަ އިޙްޔާ ފޯރަމް މިރޭ އޮންނާނެ
ރަމަޟާން މަހުގެ ރޭތައް އިޙްޔާ ކުރުމުގެ ފޯރަމްތައް މިރޭ ފަށާނެ ކަމަށް އިސްލާމިކް މިނިސްޓްރީން ވިދާޅުވެއްޖެއެވެ.
މި އަހަރު ޖުމްލަ 17 އިޙްޔާ ޕްރޮގްރާމް ބޭއްވުމަށް ހަމަޖެހިފައިވާއިރު، މާލޭގައި ނުވަ ޕްރޮގްރާމާއިި އަތޮޅު ތެރޭގައި އަށް ޕްރޮގްރާމް ކުރިއަށް ގެންދާނެއެވެ.
އަތޮޅުތަކުގައި ބާއްވާ އެންމެ ފުރަތަމަ އިޙްޔާ ޕްރޮގްރާމް އޮންނާނީ އައްޑޫ ސިޓީގައެވެ. އައްޑޫ ހައި ސްކޫލްގައި އޮންނަ ފޯރަމްގެ މައުޟޫއަކީ ”ލޮބުވެތި ނަބިއްޔާގެ ޙަޔާތްޕުޅުން” މިއެވެ.
އައްޑޫ ސިޓީގައި ފުރަތަމަ ރޭ ތަޤްރީރުކުރައްވާނީ އަލްއުސްތާޛް މުޙައްމަދު އަނީލް އަދި ޑރ. ޢަލީ ޒާހިރުއެވެ.
މާލޭގައި އިޙްޔާ ޕްރޮގްރާމްތައް ބާއްވާނީ އެހެން އަހަރުތަކެކޭވެސް އެއްގޮތަށް ކޮންމެ އާދިއްތަ އަދި ބުރާސްފަތި ދުވަހެއްގެ ރޭ 21:30ގައި އިސްލާމީ މަރުކަޒުގެ ހޯލްގައެވެ. އަދި އަތޮޅުތަކުގައި ހުކުރު އަދި ހޮނިހިރު ދުވަހުރޭ ރޭގަނޑު 21:30ގައެވެ.
ލާދީނީ ސަރުކާރު ޕޮރޮމޯޓް ކުރާ ޝެއިޚުންނާ ދޭތެރޭ ވިސްނަންޖެހޭ