މާލޭގައި ކަދުރު ބަހަން ފަށައިފި

ސައުދީ އަރަބިއްޔާ އިން މި އަހަރު ރާއްޖެ އަށް ހަދިޔާކުރި ކަދުރު މިއަދު މާލޭގައި ބަހަން ފަށައިފިއެވެ.

Ads by Sosun Fihaara

އިސްލާމިކް މިނިސްޓްރީން ވިދާޅުވީ ސަޢޫދީ ޢަރަބިއްޔާއިން ހަދިޔާކުރެއްވި ކަދުރުބެހުން ރަސްމީ ބަންދު ނޫން ދުވަސްތަކުގެ ހެނދުނު 09:30- މެންދުރު 12:00އަށް, އިސްލާމީ މަރުކަޒުގެ ލޮބީ ( މިނިސްޓްރީ އޮފް އިސްލާމިކް އެފެއާޒް)ގައި ކުރިއަށްދާނެ ކަމަށެވެ.

އިސްލާމިކް މިނިސްޓްރީން ބުނީ ގޭބިސީތަކަށް ކަދުރު ދޫކުރެވޭނީ ގޭބިސީއެއްގެ ސައްހަކަން އަންގައިދޭ ލިޔުމެއް ގެނައުމުން އޭގެ ސައްހަކަން ބެލުމަށްފަހު ކަމަށެވެ. އޭގެ އިތުރުން ބަލައި އަންނަ މީހާގެ އައިޑީކާޑު ދައްކަންޖެހޭނެ ކަމަށް ބުންޏެވެ.

ސައުދީއިން މި ފަހަރު ރޯދައަށް ރާއްޖެއަށް ހަދިޔާ ކޮށްފައި ވަނީ 50 ޓަނު ކަދުރެވެ. ސައުދީއިން ކޮންމެ އަހަރަކުވެސް އެކި ގައުމުތަކަށް ކަދުރު ހަދިޔާ ކުރެއެވެ.