ސިންގަލް-ޔޫސް ޕްލާސްޓިކް މަދުކުރުމާއި މަނާކުރުމާއި ގުޅޭ ގަވާއިދަށް ހިޔާލުހުށައެޅުމަށް ހުޅުވާލައިފި
ސިންގަލް-ޔޫސް ޕްލާސްޓިކް މަދުކުރުމާއި މަނާކުރުމާއި ގުޅޭ ގަވާއިދަށް ހިޔާލުހުށައެޅުމަށް ހުޅުވާލައިފިއެވެ.
މިނިސްޓްރީ އޮފް އެންވަޔަރަމެންޓް، ކްލައިމެޓް ޗޭންޖް އެންޑް ޓެކްނޮލޮޖީއިން ބުނީ ސިންގަލް-ޔޫސް ޕްލާސްޓިކް މަދުކުރުމާއި މަނާކުރުމާއި ގުޅޭ ގަވާއިދަށް ހިޔާލުހުށައެޅުމުގެ ފުރުސަތު މިހާރު ވަނީ ހުޅުވާލާފައިކަމަށާއި ޚިޔާލު ހުށަހަޅައަޅަން ވާނީ 10 އޭޕްރީލް 2023 ވާ ބުރާސްފަތި ދުވަހުގެ މެންދުރު ފަހު 2:00 ގެ ކުރިންކަމަށެވެ.
މިގަވާއިދުގެ މަގްސަދަކީ ތިިމާވެއްޓަށް ގެއްލުންދޭ އެއްޗެހީގެ ތެރެއިން ސިންގަލް-ޔޫސް ޕްލާސްޓިކްގެ ބާވަތްތައް ދިވެހި ރާއްޖެއަށް އެތެރެކުރުމާއި ދިވެހިރާއްޖޭގައި އުފެއްދުމާއި އަދި ބާޒާރަށް ނެރެ ވިއްކުން މަނާކޮށް ހުއްޓުވުމާއި ފިޔަވަޅުއެޅުމާއި އަދި ތިމާވެއްޓަށް ގެއްލުންދޭ އެއްޗެހީގެ ތެރެއިން ދިވެހި ރާއްޖޭގައި ބޭނުންކުރާ ސިންގަލް ޔޫސް ޕްލާސްޓިކުގެ ބާވަތްތައް މަދުކުރުމެވެ.
ރާއްޖޭގައި ސިންގަލް ޔޫސް ޕްލާސްޓިކް މަދުކޮށް ތިމާވެށި ހިމާޔަތް ކުރުމަށް ފިޔަވަޅުތައް ވަރުގަދަކުރުމަކީ މިސަރުކާރުގެ ވައުދެކެވެ. އަދި މިވައުދު ފުއްދުމަށް ސަރުކާރުން ދަނީ ގިނަ މަސައްކަތްތަކެއް ކުރައްވަމުންކަން ފާހަގަކޮށްލެވެއެވެ.
