ނަޝީދު ފެކްޝަނަށް ތާއިދު ކުރާ މެމްބަރުންނަށް ފިޔަވަޅު އެޅުމަށް މަޝްވަރާ ކުރަނީ
އެމްޑީޕީގެ ރައީސް މުހައްމަދު ނަޝިދުގެ 'ފިކުރެއްގެ ދިރުން' ފެކްޝަނަށް ތާއިދު ކުރައްވާ މެމްބަރުންނާއި މެދު ފިޔަވަޅު އެލުމާއި މެދު އެމްޑީޕީ ޕީޖީ މެމްބަރުން މެދުގައި މަޝްވަރާކުރުމަށް މާދަމާ ބައްދަލުވުމެއް ބޭއްވުމަށް ނިންމައިފިއެވެ.
މިމައްސަލައިގައި އެމްޑީޕީގެ ޕީޖީ މަޝްވަރާ ކުރަން ނިންމީ 'ފިކުރެއްގެ ދިރުން' ފެކްޝަނުންގެ މެންބަރުންނަށް ފިޔަވަޅު އެޅުމަށް ޕީޖީ ގްރޫޕަށް ގަރާރެއް ހުށަހަޅާފައިވަނީ ޗީފް ވިޕް، ތިނަދޫ އުތުރު ދާއިރާގެ މެމްބަރު އަބްދުލް މުގުނީ އެެވެ.އެމެމްބަރުންނަށް ފިޔަވަޅު އެޅުމަށް ގަރާރެއް ހުށައެޅުއްވީ އެމެމްބަރުން ވަކި ޕީޖީ ބައްދަލުވުންތައް ބާއްވައި، ރިޔާސީ އިންތިހާބުގައި ޖުމްހޫރީ ޕާޓީއެކު މަސައްކަތް ކުރުމަށް ނިންމާފައިވަނިކޮށެވެ.
އެމްޑީޕީގެ ޕާލިމެންޓްރީ ގްރޫޕްގެ ލީޑަރު މުހައްމަދު އަސްލަމަށް އެޑްރެސް ކުރައްވައި، މެމްބަރު މުޣުނީ ފޮނުއްވި ސިޓީއެއްގައި ވަނީ އެމްޑީޕީގެ ރިޔާސީ ކެންޑިޑޭޓް ރައީސް އިބްރާހީމް މުހައްމަދު ސޯލިހާ ދެކޮޅަށް އެކި ގަރާރުތައް ހުށަހަޅައި، ކޮމިޓީތަކުގައި ވެސް އެ ރޫހުގައި މަސައްކަތް ކުރަމުންދާ ކަމަށެވެ.
އެމްޑީޕީގެ ރިޔާސީ ޕްރައިމަރީ އިން ބަލިވުމުން ރައީސް ނަޝީދު ނިންމެވީ އެމްޑީޕީގެ އެތެރޭގައި "ފިކުރެއްގެ ދިރުން" ނަމުގައި ގޮތްޕެއް އުފެއްދެވުމަށެވެ. އެގޮތުން އެގޮފި އުފެއްދެވުމަށް އެމަނިކުފާނަށް ތާއިދުކުރައްވާ މެމްބަރުން ގެންދަވަނީ މަސައްކަތް ކުރައްވަމުންނެވެ. އަދި އެމެމްބަރުން ދަނީ ސަރުކާރަށާއި ރައީސް ޞާލިހަށް ވަރަށް ބޮޑަށް ފާޑުކިޔުއްވަމުންނެވެ.
